本帖最後由 貓貓樣 於 2010-5-29 10:04 編輯
我番工响個頭,平時放工知有小巴可以搭番去,有冇人試過番工時間有冇位呀?
唔想坐地鐵,要好耐...
anntse628 發表於 2010-5-29 00:51
以我所知"最附近"既都要行到牛下舊村回旋處(即淘大對面),有紅色小巴去西環,返工日子朝早都好多人等,但一定有位上,爭在等幾耐,車程要幾耐唔太清楚,要問有搭過既街坊先知,不過小巴通常係牛下就已經上滿客,唔使四圍兜客等客應該快好多,不過一程要14蚊,好貴。。。。。
至於搭101就要預早啲,想唔遲到你起碼要0740就上倒車,早過0800近紅隧交通情況會好啲,無塞得咁交關,亦唔會站站有咁多人上車,車程會快好多,我自己朝朝搭返中環,如果0755上車,一般都可以0845前到中銀落車(唔計會遇到啲龜速司機),你預45分鐘到中環,再去到上環西營盤
至少要20-25分鐘,所以你想搭101返工就起碼要預個半鐘先會穩陣啲。。。。。
*101收費 - $9.80,繁忙時間約5到8分鐘一班車*
如果我係樓主就只會係"紅色小巴"同"港鐵"中是旦揀一樣,港鐵由九龍灣到中環,weekday一般要45分鐘(以觀塘線計,油塘同北角站好多人上車,選擇在旺角轉車一樣係咁上下時間),港鐵肯乖乖地唔好係繁忙時間黎壞車都算係好準時既(唔計有人係車廂暈低),所以港鐵同紅色小巴應該會係比較好既選擇。。。。。