|
超級用戶
  
心情動態：
來自非公營房屋
|
2016-06-13 13:22:34
繁
简
粗
[分享] 做左零售業八年,做香港人生意真係痛苦...
轉貼
帶定頭盔先,唔係100%本地客都係咁,但佔左起碼90%
我係零售業呢八年,由平價品牌撈到奢侈品牌
經歷過自由行出現前同後,直到而家內地人購買力開始減弱
老實講,中間風光過幾年,而家只不過叫做回歸正常,我覺得冇新聞講到寒冬咁嚴重
但係有一樣野,係自由行出現前到而家都冇改變過
就係LOCAL客既問題
- 走入名牌店到揭PRICETAG,睇完價錢大大錢討論件貨憑乜值咁貴,再狂踩件貨既品質
大佬呀!呢啲說話留番係個心到一陣離開間鋪先講啦!
我係隔離同個客講緊個袋點好,你係隔離大大聲唱反調,其實好無禮貌囉
- 狂話係美國買又平幾多,法國買又平幾多
咁你買機票去個度買啦,法國牌子係法國買實係平,其實呢啲說話可以話係廢話,而你竟然當開心大發現咁同我講
- 買少少野當自己係皇帝,係咁問有冇野送,有冇得私下比折佢
咁你同你地最不齒既大陸人有乜分別?同埋大佬我識你十五分鐘就要比我既員工折你 咁我公司仲洗賺錢?
- 明明自己唔岩在先,聲大夾惡投訴番你轉頭
香港人出左名鍾意投訴,所以好多SALES都驚左佢地,但無理取鬧既人實在太多
大家都知而家好多牌子都有得EXCHANGE OR REFUND
有好多死港女就好興自己買完番去著出街,再拎番黎退錢
比人CHECK到有柔順劑味仲死話冇著過冇洗過
萬幾蚊個手袋內部明顯有用完既痕跡仲賴我地冇比新貨佢
唔肯退比佢就即刻問你叫咩名話要投訴你
最後CHECK番CCTV佢買個袋走個時驗屍咁驗過先買走
其實真係比你退呀,個袋我地收番都係唔可能賣番比第二個客
最後唯有當DAMAGE浪費左個手袋
一日接一百個LOCAL客,大概只會有2,3個真係會拎錢出黎買野
混吉最多,仲要白鴿眼SALES,好啦我埋黎SELL黎,你又話想自己睇,咁到我走開啦,又投訴SALES唔主動幫你
SALES既收入來源就係來自生意,LOCAL大多數係未幫襯先投訴,未買已經當自己大爺
最終就出現左個風氣,就係冇人鍾意做香港人生意,好多同事見到係LOCAL直頭即刻彈開
因為未SELL你已經估到你最後個句會係「我考慮下先」「我再睇睇」
明知你唔會買仲邊有人想浪費時間SELL你?
其實我自己收工去行街都係客,你點對人人點對你
你比老細鬧完唔代表你收工可以搵服務性行業出氣
香港人再唔戒左呢D壞習慣,遲早又係揚威海外
好想大家分清顧客同過客
未比錢我賺已經將自己嘅地位放到最高
一入舖就當自己係女王大爺個啲
睇下問下當然無問題，詳盡介紹當然ok
但入場個幾兩個鐘唔該都無句拍拍籮由走嘅港人實在係無品
十問九唔應，嫌sales跟尾，聲稱要sales消失個班奉勸你地幫襯番馬雲，遠離人煙
|
|
