2016-09-23 11:38:00 HKT
酒井相隔16年再開日本個唱。
毒后變美魔女,仲穿迷你裙。
今次作網上直播,吸引100萬內地網民收睇。
酒井為今次個唱事前下了不少苦功。
酒井吸毒當年...
酒井於台上感動落淚。
曾經紅遍中港台嘅日本女星酒井法子,由當紅偶像一度沉淪成為毒后,趁住入行30周年,酒井成功改過自新,改以美魔女姿態重返舞台。
45歲嘅酒井自從09年驚爆吸毒消息後,健康形象跌至谷底,幸好仍得一班大中華地區死忠fans支持,令酒井近年復出開騷都唔使擔心滯銷。酒井為慶祝入行30周年,噚晚喺東京舉行相隔16年嘅日本演唱會,酒井唔同形象登場,當中不乏短裙仔造型又跳又唱,露出玉脾及打底褲,唔少得演繹《碧藍色的小兔》以及多首代表名曲,酒井於台上顯得相當感動,唱到encore時更激動落淚。今次更破天荒照顧中國歌迷以網上直播,吸引100萬人於網上收睇,獲日本傳媒大事報道。
到11月,酒井將會推出限量2000盒嘅紀念box set,當中有全新性感寫真集,今時今日穿起泳裝依然大有睇頭,成為另一美魔女代表