買中Open Kitchen單位?沈大師:天意!你行梗衰運
2016-11-02 00:19:00 HKT
近期開售新盤,都以細單位為主,至於「開放式廚房」亦係熱門圖則。精通風水術數嘅沈大師,都話「開放式廚房」風水上係不利,會破壞原本個局。佢話廚房屬「火」,如果屋主本命唔夾「火」,就不利屋主。
至於點化解?大師話:「咪變返做一個正常廚房!」喂喂喂,貼地啲呢大師,依家細單位全部都細無可細,間無可間,仲點將個「開放式廚房」變做一間「正常廚房」先?
「咁好簡單,咪即係天意囉!天話咗畀你聽,呢咁嘅細單位你都走去買,自已就步入去衰運架啦!天意係好簡單,佢會帶住人去買一啲嘢,如果你係冇運,但買落去;咁你本身行衰運,咁你就知道依家買Open Kitchen細單位嗰啲既結果會係點。你係有咩運,就買到咩樓,刻意去扭曲,未必係好。」佢又話「依家啲細單位梗係唔買得啦,依家啲單位擺明搵笨X架啦。」