|
心情動態：
來自非公營房屋 |
點解油麻地叫油麻地？
 相片來源：史檔 阿史周末放假又無無聊聊煲劇，睇到某套講幾億探長嘅電影時，就提及油麻地避風塘呢個地方。其實，油麻地呢個地方，同當地昔日經濟活動好有關係。咁「油」同「麻」係乜呢？ 據油麻地天后廟响同治年間所立嘅碑記載，「麻」係指蔴纜，因為當地以前係避風塘，所以唔少漁民响當地曬蔴纜，亦有好多蔴纜商店响個度做生意。至於「油」，就係指桐油，除咗蔴纜商店外，以前當地都開設咗唔少補給漁船桐油嘅商店，就係咁呢個地方就叫做「油蔴地」，後嚟啲人寫成油麻地喇！ 响以往，油麻地係九龍地區一個好繁榮嘅地區，魚欄、菜檔、雜貨、米舖、戲院乜都有，甚至妓院煙檔賭檔等呢啲偏門生意都响呢個地方存在咗一段長時間。 唔講唔知，响十九世紀個陣，油麻地係有攞正牌嘅合法賭檔；另外，呢個地方亦因為好多妓寨，所以就有「麻埭花國」嘅雅稱，呢個九龍區出晒名嘅煙花之地仲同昔日港島嘅「塘西風月」齊名。 |
||
|
u-01594-8
揀樓次序： P058613
|
|||
歡樂香江
幸運星
