我知我個number都好後(1374XXX),擴2但呢排得閒我做左D有關2人隊既資料搜集同公屋政策。
以下為各為2-3人單位的落成量:
來源自壇友:
http://cyclub.happyhongkong.com/viewthread.php?tid=110411
2015
市區:3600 擴展:1200 新界:900
2016
市區:1100 擴展:900 新界:900
2017
市區:1400 擴展:300 新界:200
2018
市區:1500 擴展:3100 新界:700
2019
市區:1500 擴展:500 新界:0
--------------------------------------
市:9100 擴:6000 新:2700
未來幾年市區2-3單位會有較多落成,而新界真係會少得好可憐。
而且,我睇資料係見到個趨勢,政府係偏向起多D3-4人單位,即係2-3人單位既比例會少左,最快上樓既2人隊,照呢家個勢應該5-6年派第一次走唔甩。
加上呢家屋署用幾個途徑增加公屋供應:
1:如上,起樓
2:用綠表吸引人買居屋,放棄公屋單位
3:自然收回單位(扣滿分,有人去世,欠債等因素)
4:收緊富戶政策(將會係是但超入息/資產/已有物業,就會收回單位)
其實我自己就覺得3,4都係冇效,可以話無幫助增加單位供應。就我自己本身廿幾歲,但見到好多朋友/同學既老母老豆接二離世,好多都係由大單位(3-4,4-5)轉做1人單位。但問題就係,好多時佢地根本無排過公屋,只係老豆老母加左佢地個名,父母過世就能繼成單位,做戶主(當然拉要通過入息),但講緊個入息唔係輪候冊果個,而係計住左公屋果個,即係月入$30,300仍有資格住公屋,事問廿幾歲頭有幾多個可以搵多過30,300?呢種繼承方法真係好有問題,搞到1人隊D人等到頸都長,呢家仲要行計分制。1人住戶承繼戶主既入息計法根本就要用輪候冊果套,如果唔係對果班1人隊既三,四十歲既人士十分不公平,廿幾歲,公屋隊又未排過,就有公屋住,咩道理= =!?加上,房署每一年都預留一部份單位作體恤安置和有條件租約的配額,所以單位少之有少。
方法4就更加冇用,講真,屋署話就話公屋富戶人數只有2.6萬人,但實際上真係有咁少嗎= =? 好多人都無申報大陸海外既資產,物業。再者,假設,兩公婆+2仔女,仔女大哂打工,4個人同時打工月入至少5,6萬,但呢家個富戶政策只係要佢地交倍半租,倍半租真的好貴嗎? 不!一般$2000內就可。搵5,6萬先交2000租連差向,我當你3000蚊一個月拉。但呢家有幾多人交左5,6千蚊先住得到果150尺都無既套房啊大哥!唔怪得咁多公屋家庭一年可以去成5,6旅行,渣benz,tesla拉= =! 而且,我就當呢2.6萬既富戶踢走哂,先得果2.6萬一次性既單位供應,真的對輪候冊果28.5萬申請人有幫助嗎?
呢家香港搵地起樓已經十分困難,再加上地區人士既反對(環保?原居民?之前立法會拉布?),好多人正係顧住自己利益,踩住人地上。但現在真的好多人生活在水深火熱中,用超過一半既人工交租。董建華之前個8萬5起屋計劃,因SARS而暫停左,繼任既曾任權請問又做過多乜?點解唔回復董生個計劃?搞到呢家梁振英政府上台食曾任權班底既蘇州屎(雖然我都唔like梁振英既政府既處事方式),但人們可否理智一點?現今既房屋局面主要係曾任權造成,而梁振英亦都不值得幫,3年上樓承諾? 橫洲事件? 咁一定要超超收緊房屋戶政策同埋市民真係要放低成見,你地自己有地方住,緊係開心拉,但有冇念過呢家無屋住/住條件好差果班人。放下成見拉香港人!讓多D地比香港起樓
本帖最後由 timf46447 於 2016-11-26 17:06:45 編輯