2016-12-21 17:24:00 HKT
香港SMAP歌迷為偶像送上聖誕禮物。
日本唱片連鎖店就展出五子嘅昔日歌衫。
日本方面,歌迷包阪堺電車改成SMAP列車行駛。
吸引大批粉絲及師奶到來朝聖。
日本國民級組合SMAP決定解散,有傳NHK電視台舉行嘅《紅白歌唱大賽》仍未死心,近月一直游說五子在解散當天最後一次踏上《紅白》舞台,近日有傳SMAP已答應亮相盛會,消息會於聖誕當日公佈。
SMAP今日推出散Band前嘅精選碟,收錄由粉絲選出嘅50首歌曲,當地唱片連鎖店就展出五子嘅昔日歌衫,吸引歌迷前往朝聖。同時,日本嘅SMAP歌迷利用往來大阪同堺市嘅阪堺電車,包下列車將車廂改變成SMAP25周年列車。就連香港粉絲亦相當有心,本地SMAP株式會社嘅粉絲團,近日都向SMAP送上聖誕禮物,打造全世界只有三台貼上「SMAP STAY」橫幅嘅雙層巴士,以傳遞「不管今後以甚麼形式活動,Fans會依舊地守護着他們!」嘅訊息,巴士於12月20日至明年1月16日在港島區及油尖旺區出沒。