裝修=激死

sdis2005

裝修=激死

尼個世界上最貼錢買難受的，莫過於裝修啦！有邊個裝修師傳系收左你錢，出返咁多力幫你做野架。收錢就鬼咁緊張，做野就慢吞吞。一個星期都唔開3日工，初時就勤力o的，之後就成日去左做第2間工程。我死吹佢，佢又話的門沒返貨，個的又話海關扣左，要遲的先羅返的貨，成日推遲又推遲。你話有何方法對付佢啊！
仲有，我有個經驗，就系"唔熟唔食"。我身邊要裝修的朋友，都系搵熟人裝修的，你以為熟人就幫你做好的？錯啦！越熟就越玩死你啊！我個FD的裝修系朋友介紹，之前佢的FD用過話好，於是介紹俾我個FD，點知做做下唔見一個星期，返來幾日又失蹤一個星期，於是去報警(因佢阿媽俾晒錢個師傳啦!)差人幫到至奇啦！佢去消委會投訴，消委都沒權力的，幫到你至奇啦！唯一系話佢聽，個師傳間公司系沒登記的。最後當然系俾多的錢搵人埋尾啦。你價都唔細架！
另一個就系開價時3萬，裝裝下又話個價唔夠，話要加錢你都洗濕個頭，佢點話你都要聽啦！朋友????最後系7萬埋單。
我尼個都系，仲話系同我老豆幾十年朋友個仔wo，一個星期唔開2日工，個2日仲系上午來做2個鐘，夜晚再來做幾個鐘。搞到夜晚警察又來，看更又來！真系心驚啊！個高級主任都打幾次俾我話夜晚唔好裝修。我真怕俾人扣晒的分，沒屋住啊！
講返佢啊！開話20日做好，足一個月都沒ok。一時話的貨訂左沒返，一時話俾海關扣左，要遲的先羅返的貨，總之就系推推推。(好，等我俾尾數時都推下先。)你話的乜野人啊！仲有啊，明明的抽油煙機等，都已來貨，佢話的零星野姐，唔使擔心。總之就放系度，死都唔裝。真系吐血啦！我都唔知幾時先可以入去住啊！嗚嗚！
仲有，個個FD個老豆都系裝修的。我初時都搵佢，個FD都同我講，你唔好話我介紹，我老豆會收你貴的架！你話啊！佢都咁講，真系天下師傳一樣黑啊！

賈定珍

大多數cf都係咁架喇, 不過盈富街坊個師傅真係例外既一個囉!! 手工好之餘仲係唔使煩個種, 貴少少都係有價值.

aaling168hk

咁你個CF就太過分,你找佢裝修時有冇話比佢聽遲交貨要罰佢錢,

sdis2005

原帖由 aaling168hk 於 2008-8-29 17:24 發表
咁你個CF就太過分,你找佢裝修時有冇話比佢聽遲交貨要罰佢錢,

一心以為大家識既，唔使吹住人地啦，唉！

sdis2005

原帖由 賈定珍 於 2008-8-29 17:21 發表
大多數cf都係咁架喇, 不過盈富街坊個師傅真係例外既一個囉!! 手工好之餘仲係唔使煩個種, 貴少少都係有價值.

早知就搵數下個的好過！經一事長一智！但佢手工系幾好既！

aaling168hk

咁你比左幾錢佢現在,佢又做左幾多成野

盈富街坊

其實有好多野搵親戚/朋友做都係麻煩, 好好彩我呢個cf真係幾好, 最初佢話要9月第一個星期先可以交番間屋俾我, 點知中間因為佢自己整親隻腳停左工成個禮拜, 之後cf好番之後都話要中秋之後先交到屋, 後尾我同佢講話俾房署迫遷, 希望佢12/9前交番間屋俾我,  

最後今個星期初, cf話下星期一,二已經交得番間屋俾我喇, yeah!!!   

呢兩晚成8, 9點都有cf幫我趕工, 所以有時係要睇下好唔好彩

[ 本帖最後由 盈富街坊 於 2008-8-29 17:50 編輯 ]

poo_law

我果個就知我地趕搬入去, 快就確係快~ 不過我個人覺得都係麻麻, 因為佢真係完全唔會話我地知發生咩事既~ 整吸嘴話唔包, 但唔話比我地知點整~ 門框無問過我地想要咩色~ toilet果個沖涼位既"突"出黎果個位又話唔肯幫我地整~ 不過總算快快脆脆搞完lor~ so far睇落去都住得人既~~~ 住落去就唔知喇~~~

wongman

冇辦法屋一定要裝修, 裝修公司間間都係一樣,  推佢一吓佢就真係做一吓, 真係吹佢唔漲 真係想.....

pegpeg

我就係搵親戚做, 要幾激氣都有..唯有將自己要求降低d就吓啦...
你唔好咁嬲喇, 祝你個cf 快d做起比你啦