2017 - 2018 年度葵青區的巴士路線計劃已出左,今年的改動都幾大,如各位朋友有興趣,可以PM 我,我SEND 俾大家俾意見。
對葵涌邨的居民來說,今年的改動都係傾向改善的為多:
1. 增加38P,雖然只得早上7:30一班,但係佢都叫開左個頭,以及佢係去九龍灣商業區的,希望效果理想,可以繼續增加多些班次
2. 32H, 一架很特別的路線,行經荃葵青三個山頭,包括由象山、石圍角、大窩口、葵涌、葵盛圍,再往瑪嘉烈醫院及荔枝角盈暉臺,行經仁濟及瑪嘉烈兩間醫院,初步看可輔助繁忙時間313應付不到的人流,但係60分鐘似乎太疏,不知對居民來講會否因為太疏而唔搭呢?如果做到繁忙時間20分鐘,非繁忙時間30分鐘就更好了。
3. 34 在荃灣西站拉直左行車路線,對行車效率應有所改善,過往2架單層巴士改返做雙層,估計只要係因為葵聯邨增加左人口,而長者又多人搭,只得單層真係應付唔到
4. 930 號線往灣仔方向修改於葵涌邨的行車路線,更接近該區的中心地帶,方便居民。但我有點擔心葵涌邨橋底空間是否足夠應付人流。除此如外,930 由葵芳往荃灣的票價由5.7 減至 5.2, 對居民來說是優惠了,多了選擇去荃灣,但對小巴的影響就大左,小巴要生存,唯有改善現時服務,否則城巴可能搶左小巴的生意。
extra photo https://www..c./pg/ivanwongyuntat/photos/?ref=page_internal
本帖最後由 folee0001 於 2017-01-18 09:36:14 編輯