盆骨撕裂 劉德華今晚返港 警方或考慮封路
2017-01-18 19:14:00 HKT
噚日華仔喺泰國拍廣告受傷,今日乘醫療專機返港。(資料圖片)
劉德華旗下經理人公司亨泰寰宇有限公司下午發聲明澄清
1機場私人停機坪現時約有20名記者等候華仔返港,現場有一部衝鋒車,有警員維持秩序,據了解,警方屆時要視乎交通情況,是否有需要進行封咗對出嘅兩條行人路。而暫時亦未見有機管局人員、救護車,與及劉德華方嘅工作人員,仍未見到停機坪作準備。
16:18:劉德華經理人公司回應,代華仔報平安,稱對方是「造成盆骨有撕裂傷」。「各位媒體及所有關心的朋友,劉德華先生於2017年1月17日在泰國拍攝廣告片時,出了點意外,從馬背上摔了下來,造成盆骨有撕裂傷。劉先生目前有醫療團隊妥善的照顧著,目前一切平安。 請大家不用擔心。 也謝謝大家的關心。 亨泰寰宇有限公司」
55歲劉德華自2000年開始做道地代言人,劉德華本周一已出發前往泰國拍新廣告,據當地可靠消息,華仔往泰國郊區拍攝一場騎馬嘅場面,馬匹忽然發狂,華仔不慎墮馬,馬匹更踩到華仔腰脊,令他腰脊骨裂,而廣告亦要暫停拍攝。
華仔立刻被送去泰國一間醫院治療,因為腰脊受傷,行動不便,必須坐醫療專機回港,再接受香港醫生診治。《蘋果》今日聯絡劉德華,不過暫時未有回應。
當地一位知情製作人龍哥指,知道華仔昨日在距離曼谷三小時車程的寇立開工,當時有數匹馬在場,華仔所騎的馬忽然失控,將華仔拋下,被馬蹄踩到脊椎,據知傷勢頗嚴重。
華仔早前電影《長城》完成宣傳活動,上周六喺美國拍由關信輝導演嘅《熱血合唱團》,即趕返香港,出席好友向太陳嵐生日派對(新聞連結:http://bit.ly/2izEtAx,日前先出發去當地。據知劉德華已完成手頭工作,休假兩個月專心休養