|
心情動態：
來自非公營房屋 |
運輸署 驗車：豐田可以點玩LED牌都得，三菱就唔得
兩個月前講過， 運輸署 驗三菱用LED牌燈，諸多留難，因為無車頂好似屋嘅牌箱，驗車肥佬。依家件事有新進展，因為 運輸署 對皇冠車行，以及豐田都係極為厚愛嘅。 運輸署 放水俾豐田都放得好揚吓以下圖片由柏斯敦巴士台提供
話說上次九龍灣驗車組，肥咗果架三菱小巴，查實係咁樣嘅，當時運輸署驗車組，以LED牌位置為理由，肥咗呢架車，而呢件事，我亦都同車主捷輝證實過係堅嘅。 好啦，本來應該無乜嘢，只不過，昨天有人傳張新款豐田Coaster喺九龍灣驗車嘅諜照俾我，架豐田Coaster係咁嘅樣，仲要揸咗出街添  運輸署-豐田 留意圖中嘅新款豐田Coaster個路線牌，呢款Coaster係無車頂路線牌，因為新款設計要符合歐盟ECE-R66嘅反傾側規定，所以車頂係無位再加傳統香港小巴果隻車頂路線牌，留意吓，個路線牌係LED嘅，擺喺邊嘅，無錯個位置係同捷輝果架被運輸署肥佬嘅三菱Rosa係一樣嘅。而一般嚟講，如果運輸署驗車組班友，俾得你揸上路面測試，即係架車已經well prepared for type approval，即係原則上，政府都會批架車出牌，俾架車測試合格。 咁問題嚟，點解三菱嘅車LED牌位置一樣，運輸署要肥咗捷輝個申請，唔俾捷輝喺改動下出牌，反之，依家豐田Coaster做法一樣，運輸署就俾豐田出牌，呢次仲唔係我上次講， 運輸署 驗車，係豐田就一定pass，唔係豐田就一定唔pass，乜依家運輸署驗車組驗小巴班友，係皇冠車行請番嚟架，幾時香港 運輸署 俾皇冠車行私有化咗？ 新款豐田Coaster嘅新設計， 運輸署 有無批准，呢個係 運輸署 必須向公眾交代，如果 運輸署 係批咗豐田嘅申請，咁唔該 運輸署 交代吓，點解兩個月前果架三菱係唔批嘅。如果依家批得豐田，咁點解三菱又唔批得呢，唔通豐田啲車特別啲，LED牌咁擺會安全過人，而三菱啲車咁擺LED牌，就會特別唔安全。呢件事 運輸署 係要交代清楚，否則公眾好難相信 運輸署 驗車組，係真正為了公眾安全同利益去驗車，依家只會令人感覺到，呢班驗車組嘅官僚，只不過係幫特定財團做門神，呢樣嘢對納稅人以至廣大市民公平咩？係唔係遲早要有人去廉記舉報有人公職人員行為失當，搞到老廉要派人搜查 運輸署 驗車組至肯收手呀？ 本帖最後由 folee0001 於 2017-02-25 14:30:14 編輯 |
||
|
u-01594-8
揀樓次序： P058613
|
|||
|
心情動態：
來自非公營房屋 |
運輸署 驗車：係豐田一定pass，唔係豐田一定唔pass？
 運輸署 驗車部，一直都有唔少黑幕，只不過有政府內部嘅人提供嘅料，如果你架小巴唔係三菱，可以因為LED燈箱問題，而 運輸署 驗車部肥咗你。上面嘅驗車紙，就係當中嘅例子。 只不過， 豐田 嘅車，如果都係用LED燈箱，又會無事好正常，好順利批到驗車紙出嚟，好似以下嘅豐田小巴，就係 運輸署 批咗LED牌嘅例子。  運輸署 其實 LED 路線牌已經好普及，香港好多專利巴士用緊，好多小巴都用緊，點解三菱嘅車用LED燈箱，就要肥，理由仲要係未有批文，乜LED要批文嘅咩？咁豐田啲車又無批文喇，你又批佢？ 大張嘅驗車紙，都仲有話燈箱位置阻礙視線，只不過，由同一位政府深喉提供嘅驗車紙，就係另一個古仔囉，點解會係咁：  運輸署 究竟依家 運輸署 驗車，係唔係專為豐田而服務，同樣係日本車，同樣係設計相類，無理由豐田可以有LED燈箱周街走，而三菱整燈箱就無理話未有批文，一律肥佬。究竟批文要乜程序 要符合乜安全規格， 運輸署 有無相關資料俾公眾查閱，令大家心服口服？ 依家香港啲政府部門，行事方式真係 X檔案到爆。大家真係想知，香港啲公務員可以亂嚟成點，有幾唔講道理。 本帖最後由 folee0001 於 2017-02-25 14:28:55 編輯 |
||
|
u-01594-8
揀樓次序： P058613
|
|||
歡樂香江
幸運星
