都叫你唔好用300萬買公屋㗎啦！(轉載)

過主啦

都叫你唔好用300萬買公屋㗎啦！(轉載)

財女手筆：300萬港島豪宅之夢

「咯咯咯咯咯咯咯咯咯」 被嘈醒的Aaron半夢半醒，扭頭看一下床頭櫃的iPhone 7，凌晨5點半，「痴線，樓上邊個阿婆、師奶又一朝早剁豬肉？」

「咯咯咯咯咯咯咯咯咯」樓上繼續傳嚟下下清脆又有節奏嘅剁砧板聲，好明顯係將砧板放係地下剁。Aaron心入面媽媽聲，問候完樓上祖宗十八代，轉個靚身抱住女友繼續瞓。

Aaron新屋入伙，噚晚一班死黨上嚟House warming，打牌、食飯、打PS4，玩到兩點幾，都懶得理有無人投訴，平時上下左右單位半夜麻雀聲都唔少。Aaron用破天荒至抵價300幾萬，買到407呎港島單位，呎價7千幾，再用55萬豪裝間屋，未計稅埋單連400萬都未夠，已經將間屋打造成個現代簡約式行宮咁，Aaron真心覺得抵到爛。

噚晚Friday gathering，成班死黨個個三張幾，會計師、銀行友又點，唔少結咗婚，個個做生做死，都未必買到層樓，Aaron以超筍價買到間「豪宅」，噚晚全場，嘴角都不自覺掛起一絲勝利嘅笑容，人生應當如此。

「咯咯咯咯咯咯咯咯咯」 剁肉聲將Aaron思緒震返嚟現實。樓上師奶無論星期一至日，都係好勤力咁煮餸，仲要放砧板係地下用盡力剁剁剁，夜晚12點宵夜定朝早5點天未光，風雨不改。終於，樓上煩到喊嘅肉餅、蒜蓉同唔知咩，終於剁完，終於，Aaron有得瞓返。

點知訓多三個鐘，樓上傳出震耳欲聾嘅電鑽聲，原來樓上開始裝修，女友瞓係Aaron隔離，終於頂唔順爬起身，睇下鬧鐘，朝早8點半，「無病呀，地板剁豬肉都算，星期六朝早裝修？！」

Aaron抱住女友：「上星期六已經係咁，你無嚟瞓先唔知啫，乖，瞓啦」戴個耳筒開行個音樂，進入虛空嘅世界，想抱住BB豬想再瞓，點知女友一個翻身落床刷牙換衫拎手袋，準備走人。

Aaron即刻大叫，奈何仲然細聲過樓上電鑽聲：「做咩呀你，你屋企樓上都裝修呀，返去訓都一樣啫！」

樓上繼續狂鑽，女友無得訓美容覺嬲爆，爆seed秒殺Aaron：「我屋企係私樓，星期六唔俾裝修㗎，連隔離地盤起樓、起商場打緊樁，星期六朝早都要11點後，先批准開工囉，發展商都無情講呀。」仲要加多句「都叫你唔好用300萬買公屋㗎啦」，可惜嘈音太勁，仲死係床嘅Aaron完全聽唔到。

(上集．待續)

polly.polly.tai

kenny2015

高腳七

chan328

300百萬層樓，用55萬裝修

20687254

我屋企係私樓，星期六唔俾裝修㗎，連隔離地盤起樓、起商場打緊樁，星期六朝早都要11點後，先批准開工囉，發展商都無情講呀。

此女友看來冇腦兼冇常識
大把私樓屋苑隔離地盤星期六朝早9點後已樁聲四起

fan府

woche125

abcd12345

skleung88