～矇豬～，你給我的第一個印象係 － 百厭。寵物店通知，有西施ＢＢ準備出世，叫我地準備好，等佢地出左世之後，夢想就可以實現。因為純種既西施，依家好難有，所以我先會用夢想可以實現咁樣講。
有一日,寵物店打電話俾我地：出世啦，出世啦！！有４隻呀！^^３個女一個仔呀^^。我老婆聽完電話之後立即打電話俾我話我知，大家都好高興。果晚收左工，我同老婆飯都未食就一齊落左去寵物店，去到之後，嘩！４隻無毛豬係度飲緊媽媽既奶，哈，可愛到爆呀^^不過………樣就未睇到,好難選擇,只好等佢地大d先，身體生左d毛出黎之後會容易睇ｄ。往後，我地日日都走落去睇佢，差唔多可以話係隨左佢係媽媽個肚出黎果時睇唔到之外，我地都叫做日日睇住佢成長^^
好野^^，生左毛，雖然眼仔暫時未開得到，但已經令到我地愛不釋手，隻隻都係度訓緊覺TIM！但突然有一隻狗女抬高頭，個樣十下十下咁，係你啦～～小矇豬。不過，佢仲細，寵物店話等佢打左第一支針之後先帶佢走會穩陣ｄ，咁我地只好再等下啦／。＼日子一日一日咁過,眼仔開左啦,我第一句說話就係…..正八婆,4圍望,米飯班主都唔望!!之後佢好似聽到我話佢咁樣,頭仔係就係向下望，不過佢矇住隻，,眼尾(哨一哨)我,條尾擺擺下。咩呀，當應酬我呀^o^
好唔容易等到佢打左第一支針，果時撞岩過年，我地買左幾件新年衫仔迎接佢。開開心心咁帶左佢反屋企之後，本身屋企果隻就……哈,佢個樣好似唔低得咁：點解會多隻架，咁我地位咪………..！
過左大約半個月，２姐妹都總算相處得來，矇豬同佢玩果時，次次都ｗｉｎ，但我總覺得根本係佢讓矇豬^^。你話佢矇，我話佢一ｄ都唔矇，仲好醒！黎左我地屋企半個月果時，我地都無教佢，佢自己定時定候，０８：００會跑到床尾，搵反個好位坐定，頭仔面向你個頭……………….汪汪！！原來佢習慣左我地會８點鍾起床餵佢食野，之後反工，真係好過買鬧鍾。
但好景不常，果一排天氣開始反覆無常，矇豬始終仲細同未齊針，對於天氣既變化一定比較難適應，終於……..病倒了！起初，佢都係咳同鼻水，醫生話天氣影響氣管，加上狗仔未齊針係會難照顧ｄ，佢開左Ｄ藥俾佢食。起初２－３日都叫做好反左ｄ，但之後病情開始有ｄ惡化，奇怪，定時食藥都會咁既？
食左幾日藥，開始黎料啦，佢開始唔肯自己食野，我老婆唯有開水浸糧整成糊仔咁樣用針筒餵佢食，佢又肯食,自己又係飲水，唉，都好ｄ,keep住食埋d藥先！不過，佢鼻塞既情況都改善唔到，隻眼仔附近開始好多眼膠（痴）住佢眼仔側邊ｄ毛，所以攪到佢更加矇，我地日日都要幫佢用濕綿花幫佢印走同幫佢輕輕抺濕佢鼻仔，等佢無咁乾。可惜,佢行為開始有d怪,成日坐唔穩,突然一跌/一扒低佢就會叫,咁只好再帶佢去睇醫生啦…………..醫生行左出黎，輕聲地話俾我老婆知：佢因為仲細，加上未齊針同天氣變化既影響下，佢本身既免疫力真係好弱，所以……… 此時醫生停一停，就話：佢除變成肺炎之外，仲入左神經入面，基本上可以話無得救，因為入左神經，佢仲細，根本頂唔住，落針，提升佢免疫力，都係吊住佢條命，睇佢頂得幾耐。
