陳瀅同麥美恩今日到海洋公園主持夏水禮揭幕活動,佢哋仲一齊坐喺沙雕化身美人魚,炎炎夏日,見陳瀅全程披住件外套,原來發生咗蝦碌事件,佢話:「事緣係自己太大汗,入面件衫唔可以着有帶嘅內衣,着咗黐嘅bra,點知大汗黐唔實,o依家冇戴,好free。」原來陳瀅喺屋企同去外國都唔鍾意戴bra,細細個仲鍾意裸泳,認真自由奔放,陳瀅話:「我喺多倫多出世,住嗰間屋出面有泳池,細細個到6歲會唔着衫去游水。」
而身旁嘅麥美恩仲幸災樂禍,哈哈大笑話:「我着sports bra,冇事!我冇乜本錢show呀!今日平起平坐,天氣咁熱,有夏日氣氛嘛!着少啲冇所謂嘅。」麥美恩就話未試過裸泳,但就望過喺大學附近嘅天體沙灘,但自己太白太似光管,所以都唔敢入去,佢話:「o依家可以同啲close啲嘅朋友,或者結婚前做一次,搞個派對,最緊要有嘢食。」佢仲嘲笑自己身材平平冇奇,佢話:「平有平好,健康就OK,着乜都冇所謂,最緊要舒服。」
攝影:羅慧敏
蝦碌陳瀅自爆今日戴冇帶Bra,搞到甩Bra要真空上陣。(蘋果日報)
陳瀅不時耷低頭望心口,慎防走光。(蘋果日報)
(蘋果日報)
(蘋果日報)
麥美恩幸災樂禍,話自己戴嘅係sports bra。(蘋果日報)
(蘋果日報)