20歲、擁36G驕人上圍的O靚模麥紫莉(Chili)今日驚爆將赴日本拍AV,據最近消息,Chili公司已動筆簽約,佢會成為第一位港女下海拍AV。
Chili今日接受《蘋果》訪問,被問點解會選擇去日本拍AV?佢以短訊回覆話﹕「呢D係機會嚟嘅,我都唔知,如果有得我揀,我都想拍荷李活片添。」Chili對自己身材充滿信心,話自細身材已經好好,自信爆棚話同波多野結衣硬撼都冇問題,佢話﹕「未輸過,就算要硬撼波多野結衣,或者藝能界最紅果幾個,我都冇輸過!(街頭搵人拍都唔驚?)個個都係由陌生變成唔陌生㗎啦。(要打真軍?) 香港D人全部都係打真軍出嚟嘅。」
問到AV會喺邊度播?會唔會出碟?幾時出發赴日本?Chili都未肯透露詳情﹕「我唔知,簽咗合約唔講得。(製作團隊係咩人?)係新公司。」對於家人有冇反對,朋友知唔知佢嘅選擇,仲有性經驗係咪好豐富等問題,Chili都避答未有回應。
麥紫莉(Chili)公司已動筆簽約,佢會成為第一位港女下海拍AV。(圖片由Bubble寫真月刊提供)
自信爆棚話同波多野結衣硬撼都冇問題。(圖片由Bubble寫真月刊提供)
AV女優波多野結衣喺中港台都好受歡迎。(資料圖片)(蘋果日報)
特別喺台灣仲拍過電影,有唔少Fans。(資料圖片)