師傅 報價

sunnyshiny

師傅 報價

1房單位 客廳 + 房間  
油漆 ( 鏟底 批灰 白色油漆) 和 鋪磚 ( 盪平 ) 磚自己買 ， 司傅 報 做這2樣 ，  5萬6， 價錢合理嗎？


請問 一般市價是 幾多錢呢？

Run2free

睇手工啦，但好多裝修公司一房做都係報50k左右，會多你所講果啲多少少野⋯

kingking111

1房單位 客廳 + 房間  
油漆 ( 鏟底 批灰 白色油漆) 和 sunnyshiny 發表於 2017-08-20 11:01:35 原文

油漆 ( 鏟底 批灰 白色油漆) - 普遍我見都大概$25000 - $29999

另外那樣則唔清楚

ymng1955

1房單位 客廳 + 房間  
油漆 ( 鏟底 批灰 白色油漆) 和 鋪磚 ( 盪平 ) 磚自己買 ， 司傅 報 做這2樣 ，  5...
sunnyshiny 發表於 2017-08-20 11:01:35 原文

我呢兩項人手包料五萬二，你貴唔貴難比較。

九毫子

1房單位 客廳 + 房間  
油漆 ( 鏟底 批灰 白色油漆) 和 鋪磚 ( 盪平 ) 磚自己買 ， 司傅 報 做這2樣 ，  5...
sunnyshiny 發表於 2017-08-20 11:01:35 原文

承仔標準係好貴，街外正常但要睇手工，同寫清楚項目，例如...包咩油(ICI同立邦好唔同),包唔包油防潮底漆..面油油幾多浸，舖磚大size(如木紋長1200mm)斜舖(如木紋磚)要唔要加錢，包唔包掃口粉等，睇落好似簡單，實際好多樣嘢。

ic112

相比收你兩萬幾油油，油嘅價錢其實比例上唔差得遠。不過，唔想搞到自己，唔建議揀小王子嗰隻油，嗰隻油師傅話難油得靚，有咩事翻油易有鴛鴦色喎。立邦淨味五合一大路冇咩鑊氣，或者有人覺得唔夠突出。牆身剷底後應該冇咩人會唔油防潮油，其實不必太擔心。要佢地寫得太清楚，反而更加顯得用家唔識嘢。地磚自己買嘅話，一定要捉埋師傅去揀，佢話得先好買，以免佢話磚係你買，質素唔得，鋪唔直呀，有高低呀，都係你嘅問題咁上下。但係，點解樓主報價冇廚廁嘢整？全原裝定分開幾間做？如是後者，樓主有把握唔同師傅做嘢冇互頂嘅時候？

pfn11

裝修真係好煩！但諗起安居樂業就會煩惱盡消.....

九毫子

相比收你兩萬幾油油，油嘅價錢其實比例上唔差得遠。不過，唔想搞到自己，唔建議揀小王子嗰隻油，嗰隻油師傅...
ic112 發表於 2017-08-20 11:42:45 原文

我諗係除非好信得過間公司，如果唔係都係寫清楚好d，正常客人無可能識得咁多裝修知識，寫清楚主要係保障雙方避免收貨時同想法有落差啫。

鄧aunti

ic112

回應 #8 九毫子

我揀時冇出聲，佢地自己寫低“牆剷底油批灰油防潮油立邦五合一三浸”。我問佢地，點知油咗三浸，佢話其實唔知，除非企喺度睇住做嘢囉。我對住佢笑。佢老實話，個客唔收貨佢地收唔到錢，所以實做到個客滿意。我諗，你要佢寫，佢為咗接單，實寫㗎，做咗咩，你點知？以前試過還間樓下開咗好多年嘅裝修公司裝修，地腳線話明實木欅木地腳線，俾我捉到佢買欅木皮地腳線“昆”我，咁又點？咪最多收平啲囉，殺咗佢咩？所以，都係嗰句，揾間有啲信譽嘅。有人唔信網，有人覺得FB啲專頁梗係只俾好嘢你睇，可能我好彩，揾咗間喺FB 都叫有客讚嘅，做咗出嚟老人家又鐘意。唔使靚，最緊要平實。老爸教落嘅。
當有鄰居仲煩間裝修時，我地已經搞掂基本嘢，等入傢俬等多一個月就搬嘞。我就下一計劃，抽荃灣新盤去也。