|
心情動態：
來自非公營房屋 |
首置上車盤真係咁筍？ 前女主播潑冷水
 港人買樓難已非新鮮事，「首置上車盤」成為特首林鄭月娥今日發表的首份《施政報告》的焦點。早前剛離職有線電視、財經資訊台節目《樓盤傳真》及《每日樓市》前記者及主持吳宛盈（Carol），昨晚在其個人專頁，以《聽奶媽講，不如聽我呢隻無殼蝸牛講》為題貼文，指自己雖然「好大機會有資格申請首置上車盤」，但整體不太睇好林鄭的第一份「功課」。Carol認為，首置盤的入息限制、樓盤選址、供應量以至和新居屋售價比併，都明顯輸蝕。 完整貼文轉載如下： 【施政報告前瞻】《聽奶媽講，不如聽我呢隻無殼蝸牛講》 #啱睇就share吓等我呃吓like喇 施政報告就快揭盅，首置上車盤肯定係焦點，睇報紙不停吹風就知。小妹無用，都係無殼蝸牛一隻，仲好大機會有資格申請首置上車盤添，唔知市場啲風有幾準，不如搵幾點嚟講吓。 1. 家庭月入5.2至7萬、以負擔能力定價：有傳媒參考房委會水平，以呢個月入，供款佔入息40%計，計出可負擔樓價介乎510至690萬。數字係死人係生，兩公婆無仔女都仲可以負擔到嘅，但如果有兩件化骨龍要請工人，每月各畀幾千蚊父母洗，仲有管理費差餉地租燈油火蠟，um…真係無眼睇。 2. 選址物色發展商新界用地：其中一個最大機會係恒基大埔蕉坑項目，乜Q坑話？原來喺白石角天賦海灣對面，我覺得真係好很very方便。仲有另一個筍嘢，會德豐大埔洞梓地段，正喎喂淺月灣附近，真係豪宅級嘅享受，返工搭車有排你受，日出康城都起碼有個港鐵站喇。 3. 十年轉售限制：價錢又唔係平，仲要縛十年，um…既然咁叻仔叻女負擔到510至690萬，不如買私樓好過。 4. 首批至少3,000伙：有統計大約24萬個家庭收入跌入門檻，估計一半未置業即係12萬，我再打個8折9.6萬，然後搞得嚟兩三年後推出，每年推到3千個咁叻，都唔夠1萬個，期間又再有啲家庭合資格，然後奶媽5年任期又玩完了。 5. 有人暗示七折定價居屋要減價：大佬，出年嘅新居屋地點正到無朋友，有長沙灣又有啟德，可能減價？仲有4,400伙咁多？與其等首置上車盤，不如兩公婆是但一個而家辭工搏吓抽唔抽到好過喇。 其實唔明搞咁多嘢做乜，不如新居屋分兩類，靚地點果啲貴啲、入息要求高啲；新界果啲折頭多啲、入息要求低啲，然後全部十年內只可原價賣畀政府罷喇。 #不如勤力啲買六合彩喇 #早啲瞓發返個好夢 #祝君好運 |
||
|
|
|||
|
心情動態：
來自石硤尾邨 |
|
||
|
G13239xx 市三 2013.02 藍卡
s1 21/09/2018 @ s2 29/01/2019 s3 20/08/2019 @ s4 22/08/2019 23/08 收信派美柏樓 29/11 收入伙信 10/12 收鎖匙
|
|||
|
心情動態：
來自麗翠苑(綠) |
|
||
|
擴2 轉 市2 No. 1265XXXX, 特快 No. 18XXX (2011), 15XXX (2012), 8XXX (2013), 58XX (2014)
Step 1 - 29/01/2013, Step 2 - 09/04/2013 第一次收信派長康邨, 第二次收信派雲漢邨
|
|||
多謝分享
