房署無故話我拒絕迎東單位 楊總請入

king1976

房署無故話我拒絕迎東單位　楊總請入

配房確認書問題，我12月12日出席配房簡介時依職員所講取出房署寄比我的一份同你影比我睇一樣的文件，依足指引係上面同意欄v左，寫3人，然後下面簽名日期。之後職員行過來問我填好未，我比左佢睇完後佢話走得啦，有乜問題？唔係仲有嘢簽吧？咁麻煩？請指正。。我不是可惜迎東無左，仲有二次機會，只想知點解？2月27日先話我拒絕，完全不按程序，既無拒絕信，亦無轉拒絕字知會，我完全以為將入住迎東，直到3月2日收到抽查信亦無提拒絕迎東，只是我多事打去房署1823問抽查會不會影響到我派樓先知已在2月27日拒絕。所以錯在邊度？好唔明

king1976

仲有搵議員應搵民主派定建制派，因政府太差勁，我十幾日被太極拳打到毫無頭緒真相無辦法去破解，惟有搵地有權力的人去對付當權的人啦。。我不聞政冶只爲生活。。

小双单单

支持追查到底

Amy盧

上房署確認咗配房信無問題嘅話一定有地方講理的，房署搞錯咗必須要負責任啩，支持你！加油！

king1976

多謝，打房署電話去左1823乜都唔知同錄音無分别，留個案又有排等，去房署排二小時問職員又唔知話無可能，叫我打迎東邨辦事處話佢地報上房署，又留個案等拒絕組覆電，呵呵要二星期。。我再打去迎東邨辦事處有阿姐聽又乜都唔知，要搵人覆我，話今日内覆，結果又放飛機。。。正苦呀！你用地乜嘢人呀！

楊管

除非你鍾愛那個已編配給你的迎東單位，否則，我建議你多等一星期，看看房署把原本那個迎東單位還是其他單位編配給你。

如果是其他單位，你可以考慮追究。

king1976

多謝揚管，目前只求真相，迎東單位如果比左人我再追返又造成另一單不幸，何必呢？

Amy盧

直接去迎東邨辦事處同佢吵，前提係你肯定份配房信冇填錯。如果唔係，天理何在？你呢幾日受嘅折磨可以大方地唔同佢計，但如果你滿意之前的編配，最少，佢哋應該自己諗辦法搞定畀返之前個單位你，或者，任你揀心儀單位。

blyyoho

仲有搵議員應搵民主派定建制派，因政府太差勁，我十幾日被太極拳打到毫無頭緒真相無辦法去破解，惟有搵地有...
king1976 發表於 2018-03-15 01:41:01 原文

以往投票過那黨派，就找那些議員投訴！

keiki01

回應 #5 king1976 我昨日搵議員，幫我拿到锁匙了……就寫個声明就得了……