想問問關於精神病患者申請公屋

step8

想問問關於精神病患者申請公屋

我幫朋友問問,佢由2011年開始睇精神科醫生, 住公屋, 現在跟阿哥和阿嫂住, 入過兩次院, 定期覆診覆到現在2018年,期間有工作, 係間公司都穩穩定定做左5年多, 但未做呢份工之前試過發作入左院冇左份工, 在2017年佢阿哥帶左同居女友返黎一齊住, 係2017年曾經噪過交, 報過兩次警, 一次重落左案入左警局電腦資料, 但佢地又係2018年1月中簽紙結婚, 之後惡夢就來, 個死人阿嫂又話一間屋唔可以容納兩個女人, 又話張來我朋友都會結婚, 我朋友話住左係度廿幾年, 有次重嘈到我朋友話佢咁有料自己搬出去, 被人趕走咁, 之後佢一直忍, 自己去申請公屋, 但佢底薪得1萬, 但ot連傷殘津貼加埋有成萬5個月, 佢睇果個政府顧問醫生寫左封信比佢, 封信話同佢地相處唔倒, 患有精神分裂, 要定期覆診, 情緒受到問題, 台頭係寫比房署, 叫房署分一間屋比佢, 等佢可以康復, 想問佢呢d情況會不會特別處理, 佢已經張醫生信和入息証明同申請信寄左比房署 , 有冇朋友試過同類case?

我朋友已經收到房署第一封收倒佢既信既通知

JasonBB

年中房處收唔少呢d信喔，最低限度都要符合申請入息囉，萬五喔，會唔會超太多？講句唔好聽嘅，假如咁可以等少幾年，又可以超入息，大把人有樣學樣

manlai1012

冇找社工，佢地有quota

step8

上網睇過話傷殘津貼唔會計, 但他平圴每月都有萬3, 但底薪只有10000

hlin

tsse

年中房處收唔少呢d信喔，最低限度都要符合申請入息囉，萬五喔，會唔會超太多？講句唔好聽嘅，假如咁可以等...
JasonBB 發表於 2018-03-19 08:47:24 原文

講得無錯 話我西我都係咁講 宜家網上乜都睇倒 好多人有樣學樣諗住走精面 個個都係用呢啲手法咪又係要排隊

YNOGO

有醫生出信加醫療社工跟進,確實會快D上樓。

king1976

我公司以前請左一個人，得二十幾歲，屋企同阿媽住綜援家庭住公屋，跟住自己又定期睇精神科，話要堅持睇一年就可以白卡，又申請津貼，跟住申請公屋會快地。講到而家你地知佢點做？係我公司返工日日遅到，懶到無人要，又係淘宝買表返香港倒賣出去賺差價，又游説我去睇精神病，話我排咁耐都未有，分分鐘佢快過我，又話祇需被打針，藥可以不食。。。最後我公司要炒佢，叫佢做多一個月走人，佢即刻請左25日病假，腸胃炎，前後掛號信寄左十張病假紙，又勞工處落案。。好叻的精神病呀！

Horribleellis

choi2004

先辭工吧