今日入迎東，冇相睇。

Amy盧

今日入迎東，冇相睇。

今日下午一点幾喺迎東地下休憩區聽到迎悅低層向內園景方向傳出超大聲嘈架聲，唔知發生咩事。但言語之中似戶主（或家人）同裝修師傅之間嘅不愉快。嘈聲相當大，當時喺樓下D人全部循聲向上望。上到樓原本係件好開心嘅事⋯⋯奉勸各位沒搵師傅嘅街坊鄰居：無謂激心激氣，莫諗住慳嗰少少錢，一定要搵個有信譽、有保障、肯好聲好氣同你溝通嘅裝修公司（師傅）。早排Facebook有人揚言話喺網上搵咗個裝修師傅，傾定咗，畀咗一半訂金之後個師傅消失咗，幾慘下。淨係一個電話號碼有咩用？冇街鋪、冇寫字樓、乜都冇，如何保證唔上當受騙？各位慎行！

Amy盧

呢D純屬個人見解，見得苦主多，提醒吓沒搵師傅嘅街坊，可以靜靜地路過，勿插！

Amy盧

本人住迎悅，裝修中，五月頭交貨。唔識承建商，家中亦冇親友做裝修呢行，莫誤會。

小藍媽媽

hmmm

今日下午一点幾喺迎東地下休憩區聽到迎悅低層向內園景方向傳出超大聲嘈架聲，唔知發生咩事。但言語之中似戶...
Amy盧 發表於 2018-04-28 20:34:00 原文

識都唔会比一半訂金咁多、三唔識七点會比咁多、呢期真係交学費。_

陈术

waka17

Amy盧

回應 #5 hmmm
我係出面揾師傅，第一次落訂50%。冇價講嘅。我都係揾咗朋友嘅朋友嘅朋友嘅朋友。

eddycklo

Aping

比錢都好講究,咩人咩商想做成生意都要投資啦,
我係舖好地磚先落訂金,亦唔會超過一半。