故事發生喺剛過去嘅星期一,我剛步出顯田游泳池,視線好自然望過去對面巴士線(因我要搭85b)眼見好遠處有85b嚟緊,我就奔跑過去,過到去個方向係喺車頭前面嘅,仲有十零步先追到咁咪揮手截車囉,點知個司機掛住駛出中線睇我唔到,就係咁架巴士同我擦身而過,跟住我睇時間,係18:31分,終於等到18:58分有車.
到咗今日我又步出泳池又望過對面咁啱送車尾啊,咪慢慢行去車站等車囉,睇睇時間係18:10分,等到18:30有車85b前面有架87b,87b有客落咁我就低頭喺旅行袋裡面攞銀包(因八達通係裡面)抬起頭來架85b開走咗
我望一望我隔離唔知等幾號車嘅男人,大家你眼望我眼跟住佢教我喺啲樓嗰度穿過大街會截到架車嘅,咁我二話不說就跑喇(真係唔想再等車呀)居然比我追到
我上到車又嬲又氣喘咁怒啤個司機問佢係咪好趕時間呀完全冇動作埋站停車架離哂譜
但佢由頭到尾都冇出聲,就係咁我都冇嘈搵位坐喇,唉