[千字文] 睇醫生不愉快經歷，卓萃醫務中心d姑娘態度勁差
平時睇開隔離果間既男西醫，最近發現卓萃有得用醫療卡而且係女西醫所以轉左過去睇。個女醫生冇乜野 幾好傾又好態度 又好肯解答你問題。
但係相反出面個姑娘d態度真係差到仆x!!
戴圓形眼鏡札馬尾成個村姑果位。
第一次睇乜都唔識 登記填form果時已經tick明我會使用醫療卡，點知到拎藥果時我出示醫療卡 佢話唔收喎！
佢話「要用醫療卡，就要係登記果時講明，否則事後就唔比用！因為係唔同處理手法，我只可以開番張單比你打上去自己同保險到clam錢」
呢d係咩規條？
第一，你明知我係第一次睇，我填張form你都見到我tick左會用，咁你診所有條咁既規條係咪開口提下我唔洗死掛？
第二，我打左上去醫療卡既保險公司問，佢地話我張醫療卡冇得咁樣事後clam錢，係要睇醫生時出示，會有$50墊底費。
同埋佢地都話個姑娘有冇搞錯，無論幾時出示張卡都唔可能拒收。
跟住保險公司打去診所到跟進事件。
可能係因為咁，從此個村姑姑娘只要我打落去book睇醫生就已經認得我 仲會係電話提我帶醫療卡。
之後第二次去睇醫生 終於成功用到張醫療卡啦，
但係比番張收據我時乜都冇寫，我問個村姑姑娘，係咪扣左$50,佢答我係。咁我走左啦！
跟住第三次睇，係另一位姑娘，佢比番收據我時有寫$50!咁冇問題啦。
今日第四次，係去配藥，又係個村姑娘！
一入去佢就問我係咪用醫療卡，我話係！
跟住攞藥時姑娘話$200,我問：「扣左醫療卡都係$200?上次醫生話包藥係$200喎...咁扣左唔係應該$150?」
之後個村姑姑娘jip我，轉身行入去問醫生。
呢下態度已經唔_要得啦？
出後泥之後就大大聲講：「總之今次你係要比總數$200,你明唔明？」
我話：「我張卡唔係可以扣$50?」
村姑姑娘：「我唔知你係咪未用過醫療卡唔識得用定點，總之你張卡唔係用泥扣錢，係你每次無論你有冇睇到醫生只要你出示左張卡你就要自己比$50出泥，而唔係可以係總數到扣$50囉！你仲係唔明丫？！你張卡唔包特效藥架！」
我：「但係我上次打過去保險問佢地話張卡有$50墊底費架喎，咁到底包藥本身幾錢？」
村姑姑娘：「你到底有咩問題？你係咪唔明？」
我：「我問你包藥本身幾錢」
村姑姑娘：「你唔用醫療卡既話處理手法就唔同，總之今日係要比$200」
條八婆完全九唔搭八，用唔用醫療卡都好，包藥本身冇定到價錢架咩？唔用醫療卡有唔同處理手法，咁即係用同唔用既話包藥既原價係會有變？點解唔可以答我？
而且今次用左醫療卡都冇扣過錢，咁關包藥價錢咩事點解要咁隱悔唔答得我？
之後我照比左 因為我去配藥之前已經去過藥房問左佢地冇呢隻藥。所以點都係要配架喇
但係我真係好不滿條八婆既態度！
事後我打番上保險清清楚楚咁問佢 到底張醫療卡係點用，點解你地一時話係扣$50一時話有$50墊底費而家姑娘又話張卡唔係咁用！到底係點！
最後已經搞清楚，其實我出示張卡去睇普通科，只需要付$50,就包哂診金及3日普通藥，不包特效藥。
講就講得咁抵喇，但我用左咁耐真係冇一次睇醫生係比$50就可以走人囉，次次都$300幾，我覺得用左張卡仲貴過唔用！
但係個重點不在張卡 而係個姑娘態度真係好差！
我識唔識用你都唔應該係咁既態度同客人講野，我又冇態度差。
次次問親野都西面，其實你爛面姐，都唔洗比個西我睇！
