比多個餸大家參考,同vick哥果味差唔多,但平價d
呢個餸,我朋友個媽媽都有請我食架
簡單易做好味
客家煎釀豆腐
以傳統客家烹調方法,用湯半煎煮豆腐,突出豆腐的香,亦適合香港人健康口味。
材料豆腐 8件、豬絞肉 100克、葱花 1湯匙、麻油 1茶匙
醃料:鹽/糖/雞粉各 1/2茶匙、古月粉 1/4茶匙、麻油 1茶匙、生粉水適量
雞湯料:雞湯 1/2杯、鹽/雞粉各 1/2茶匙、糖/古月粉各 1/4茶匙、蠔油/生抽各 1茶匙
調味料:古月粉/雞粉各 1/2茶匙、乾葱碎 1湯匙
做法1.豬肉加醃料醃 15分鐘。
2.豆腐用湯匙挖空中央,釀入豬肉備用。
3.開大火,鑊中下雞湯料煮滾,放入豆腐,只煎煮釀有豬肉的一面約 5分鐘,而豆腐面則撒上調味料。
4.湯中加入麻油,冚上蓋轉中火煮 5分鐘熄火,反轉釀有豬肉的一面上碟,灑上葱花即可。
貼士 宜用黃豆成份較高的硬豆腐煮,豆香味會更濃。
本帖最後由 敏carman 於 2011-5-12 16:55:39 編輯