評莊太量的「還公屋肥雞餐」

folee2008

評莊太量的「還公屋肥雞餐」

大家唔知有無留意，日前擁有27個字title嘅莊太量莊教授，大膽拋出「還公屋肥雞餐」；據了解，計劃內容係希望政府可以用100萬cash，從公屋富戶手上「回購公屋」，作為交還公屋單位嘅補償金。此外，莊太量仲建議其實政府可以推行交換單位，例如天水圍夫婦，同何文田獨居婆婆「加錢」調換，如此一來，夫婦便利上班，長者又有錢養老。

兩項建議，大家覺得work唔work呢？

首先睇睇100萬回購計劃。其實，並唔係所有富戶，都有足夠能力喺私人市場買到樓，而通常富戶入面，都住緊兩三家人，所以除非每人而非每戶100萬，並且足夠「每一家人」上車，否則都幾難要富戶遷出。

其次，此舉無疑等於主動承認排公屋就是最好的投資；以現時平均輪候5.1年「上車」，5年「賺」100萬戶籍，真正好過長揸iBond。

再者，公屋本身已經是社會安全網中的一種補償，為什麼住戶可以「再補償」呢？如果可以，只會變相鼓勵年輕人先降低收入，等收第一桶金。

至於交換單位又work唔work？估計是莊教授不知天水圍濕氣重，老人家大半生住開何文田，突然搬入天水圍，是會住到風濕。老人家意願是其一，社區流動是其二，筆者有幾位朋友住過私樓美湖嘉湖，日日都想搬返出去，難道到他們老了，就想住返天水圍？

定價問題是其三，我們要如何得知補償價呢？一刀切30萬的話，估計老人家只有不願。社區經濟健康在於老幼共存，如果天水圍只剩下老人，地區經濟又當如何？對交換不成功，被逼留在老人區的年輕人來說，也有點不公平。別忘了，交換此舉都存在市場競爭，哪管是受限制的競爭，只要有競爭，就不是莊教授想得這般完美了。

ckw1213

痴線! 業主要出錢收番自己間屋?  總之check倒喺富戶就趕佢走。建議果個係白痴嗎?

loksam

係白痴!!!

Aping

讀x片，食x疴飯，腦生草.......

eddycklo

其實老董當年一招八萬五,只須講,便即時見效.何須這些虛招.
從上述教授之言論,可推斷為 "幼稚"'
1. 畀一佰萬公屋戶買私樓 ! 明顯會推高樓價,真白痴......
2. 調換公屋;假設教授閣下是公屋戶,你會考慮嗎? 請在拋出方案前深思一下,不要再痴人說夢話,不要教壞下一代......

edmondlulu

香港點解咁多白痴！

Mingtse

係咪有利益輸送

洪福川人

錢!錢!錢! 都係錢作怪!
錢? 可以令前突手-曾雀仕被判入肉......再判入少D肉;
有大把錢, 可以透過醫生證券, 話比法庭知:我病......所以又可以唔入肉.
那麼, 再判入少D肉, 匯唔匯因為有人......上五下就或半夜地盤黑錢的作法所功呢?
救瘦, 有基礎智息......高階至色......超脫治惜. 不管是救肥夠瘦, 或許肯定不是所有的, 但肯定個別的, 也都有為了錢, 什麼文章也敢做.
例如, 最近非洲猪瘟疫傳入中國大陸. 你比錢較秀, 牠可以作文成:因中國大陸猪瘟疫傳入非洲......
不一定是牠自己的......

amy_lxj

建議果個係白痴

Mingchow27

LOW B