|
心情動態：
來自非公營房屋 |
港人又醜出國際？
5毫充100円入扭蛋機 日店怒轟：very annoying
https://video.appledaily.com.hk/...9_new_200_mp4_w.mp4 港幣5毫同100円日元，雖然兩者睇落風馬牛不相及，但卻因為佢哋硬幣嘅大細同厚薄都差唔多，竟畀人當做「通用貨幣」咁用。事源近日網絡流傳有日本雜貨店貼出告示，上面貼有港幣5毫嘅正反面，呼籲扭蛋客「Do not use this coin（唔好用港幣5毫代替日元100円扭蛋）」。 日本雜貨店貼出嘅一張小小告示，重覆咗兩次「do not use（唔準用）」、「can not use（唔可以用）」，亦附上港幣5毫，表示對有人用5毫代替100円扭蛋一事，感到「Very annoying（好煩擾）」。根據匯率，100円日元約等於$7.05港幣，相比用5毫扭蛋，價錢足足相差13倍。 另一張由網民貼出嘅對比圖顯示，5毫同100円嘅大細同厚薄，真係幾乎一模一樣，有可能會令投幣機器混淆，但原來早喺10幾年前，已經有人用5毫代替100円投幣。有網媒翻出一篇2004年嘅日本報道，指於新宿一個儲物櫃場發現多達40個港幣5毫，涉嫌有人用作代替100円投幣；亦有網民話早於80年代尾，「已經有香港人喺日本用五毫入汽水機」。 對於有人用5毫代替100円扭蛋，有網民認為，雜貨店應該唔係第一次發現有人咁做，稱「如果得幾次，唔會咁樣標示出嚟」，亦有人話未必係香港人所為：「唔畀係日本人自己咩？任何人都有可能啦」，不過都有網民話，只要有香港人醜出國際，都會有人辯稱事主非「純正香港人」或者係「新香港人」，批評香港人「個心仲玻璃過大陸人」。 網民留言： Charles Tang：香港好多人都覺得自己好聰明好醒，完全唔覺得有問題 梁天來：奇在做這種行為的人平日把口非常之崇日 Hoo Karl：笑咗，原來港幣係得香港人先准許持有 Ching Ho Lam：香港人一向都醒！出咗事重可以入新香港人數 Yick Yick Yick：幾十蚊遊日本不是夢    有日本雜貨店貼出告示，呼籲扭蛋客唔好用5毫代替100円扭蛋，仲表示對此行為感到好煩擾。  有網民貼出對比圖，5毫同100円嘅大細厚薄，真係幾乎一模一樣。  根據2004年每日新聞嘅報道，指於新宿一個儲物櫃場發現多達40個港幣5毫，涉嫌有人用作代替100円投幣。  早於2007年，已有網民喺日本見到有香港人用5毫當100円扭蛋，最終勞動店員要開箱，更發現入面有10幾個5毫。 |
||
|
2004-10
|
|||
