忠告: 以下內容極容易引起不適, 如果仲繼續睇下去, 后果一切自負 !
係咁的: 話說前兩日心思思, 忍唔住又走去私會海盈姑娘...
見完海盈姑娘, 話佢知我好掛住佢之后, 突然人有三急(屎急尿急兼心急), 諗住揾間茅廁方便吓,
於是速速往凱樂苑方向走去,急住揾地方小解.
行到荔盈街街尾, 見四周無人, 正正是大小二便的好時機,
心諗趁而家無人, 不如快啲搞掂佢, 然後速速閃...!
正當想除褲解放出來之時, 突然眼前一隻黑影出現, 睇真d似乎是一隻凶狠的狗 !
佢見我啱啱想除褲解手, 就陰濕地笑了笑然後話: "細佬且慢! 光天化日, 你唔好咁張揚, 快啲收返埋支棍 !"
看見佢尚算有禮貌, 我亦很是配合, 迅速收拾好我的棒.
然後我突然間驚覺: "點解呢隻狗會識得講嘢 ?!"
佢似乎知我諗乜, 哈哈笑然後吠咗兩聲對我話: "有乜出奇 ? 而家有好多人都識講狗話, 我一隻狗識得講人話, 好出奇咩 ?"
我覺得佢講得好有道理, 表示非常欽敬 !
佢不屑地望咗我几眼, 然後話:
"聽講呢度附近有個南昌站 B Exit, 你老老實實快啲話我知响邊, 我趕住去柯士甸站搭高鉄返鄉下探親 !"
我好無奈地同佢講, 話我都係啱啱經過兼路過, 並唔係太熟悉該區狀況.
佢聽咗後, 突然神色憤怒, 然後對我大聲咆哮道 : "你咪再扮嘢 ! 快啲 bring me to Exit B !"
"Otherwise 我會好似老虎一樣咁咬死你 ! 然后再將你咬碎當作狗糧咁食咗你 !"
我好怕死, 聽佢咁講后, 我表示我好害怕, 唔想被咬死兼被當作狗糧, 我答應無論如何我一定會帶佢走到EXIT B !
佢見我咁怕死, 表示得非常得戚,開心又安慰 !
於是佢脅持住我, 要我行先替佢開路, 帶佢走到 B 出口..
我唯有硬著頭皮往前行, 走著走著, 佢突然在身後大聲喝止我 :"喂 ! 你做乜行咁快 ? 係咪想撇甩我 ?!"
我話: "兄台你有所不知, 我哋香港人的步伐就是咁的, 已經習慣咗行得好快,我自己都控制唔到.... 莫非狗兄你跟唔到?"
佢聽后, 面色一沉, 對我冷笑道: "你係咪嫌命長 ? 係咪挖苦我話我行得慢? 係咪想我即刻立即咬死你 ?!"
我表示異常害怕, 於是立即馬上帶佢往B 出口前進...
說時遲那時快, 由出發到終點, 由被佢脅持至走到B出口的時間, 我哋大概用了兩分鐘的時間.
到咗B 出口后, 佢心情顯得非常興奮, 然而卻又裝作淡定地對我道:
"小兄弟你今日帶路,本王覺得好滿意! 我而家先行一步趕往高鉄站撲飛 !
日后返嚟必會好好答賞你 !"
臨走時, 佢又再次警告我不得將此事傳開去, 不然去到天涯海角, 佢都會返來揾我算帳的...
說罷, 佢吠了兩聲, 然後便往B出口裡跳咗入去, 消失於無影無踪..
BUT 當時咁啱得咁蹺有兩個行人正要行出B出口, 被這兩下巨大的狗吠聲嚇至暈倒, 至今一直未曾甦醒.
而我亦決定冒住被惡犬返嚟咬死我當作狗糧的後果, 將此事一五一拾爆出來, 雖然咁做會有生命危險,
但為咗千千萬萬的海盈居民安危, 犠牲小我完成大我在所不辭!
在此呼籲街坊注意, 尽量唔好隨便走經這条未完成的行人通道,避免惡犬來犯
(如果要行的話必須注意施工安全,唔好被吊臂砸到) !
有關 B出口最新狀況報告完畢 !
