97萬元買自住公屋 網民：仲諗？政府簡直送錢入你袋！

楊管

97萬元買自住公屋　網民：仲諗？政府簡直送錢入你袋！

正當近日52折新居屋重啟申請時，有居於黃大仙的公屋居民可以透過房委會的租置計畫，以特惠價購入現居公屋。但該網民就十五十六，上網問其他網友意見，現居屋黃大仙的公屋，房委會開價97萬元，值唔值得買，並考慮的事情為下列5點：

1. 其實算唔算貴？買左有無用？
2. 如果第日結婚 咁我會搬出去，咁買公屋係咪無意思？
3. 如果買，應唔應該落埋我名？
4. 媽本來想 full pay ，係唔係做mortgage 會好d??
5. 有無野要注意可以提點下？

不少網民都叫事主應該要買，皆因現黃大仙公屋市價，未補地價單位要200多萬元起，現可以97萬元入市，簡直是政府「送錢入你袋」。由於事主要留一個首置名額，故此買家就是落父母名字，而最理想方法，先比一半首期，又一半當交租慢慢供，這樣做財務安排上會更靈活。

網民點睇
風X山林：如果你資產有150萬元左右，工作穩定平時人工有剩，我覺得可以 full paid。當然你問97萬抵唔抵，係另一個問題，你可以當買個保障咁諗，第時如果用唔著賣番出去。
SIUXAK：就算你結婚後搬出去，呢間公屋出去一定多過97萬，而家政府擺到明送錢入你袋，仲問買唔買?
田蕊X：買咗間屋就係屬於你嘅，到時有咩事都係要你負全責，例如維修。
壞X子：97萬買個市區單位緊係買喇，同埋唔洗一炮過比，上會有房處擔保，上會慢慢供喇。
難過X會過：咪玩啦咁都仲要問，市區公屋綠表價講緊值2-3百萬呀，宜家係政府派過百萬俾你，你仲考慮收唔收好。
不過X係幾傻：而家開始有52折居屋，屋企又有長者，用綠表公屋換居屋，投資潛力一定好好多。
花灑淋X頭：俾半成，之後慢慢當交租。同埋如果獨女，唔好寫你名，留返首置，再排下公屋或白居屋。
網址連結：97萬公屋 唔知買唔買好 求意見！

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

老猴

ccsy408

如果買了公屋，是否要交管理費 ，交租同交管理費的差額是多少?  值不值得買，要看個人需要。

SY301

大館

muimui0123

JAL

/Cc

小肥強

回應 #3 ccsy408
我朋友交差餉管理費仲貴過舊租

吾係小朋友

我爸B話
真係笑死人冇命賠
買左之後又驚要夾維修費
唔買又驚蝕底
公屋已經呢個價錢 私樓又點會平
所以 各人位置不同 各安天命

怡軒