|
心情動態：
來自彩德邨 |
回家的路實在太恐怖了!
話說早兩日同朋友食完宵夜返屋企!(我好少出夜街的)
 返到彩德已經1點幾,去ok便利店買完嘢就返屋企啦!(我住彩俊的)  出左ok就諗住搭lift上商場5樓,點之.................2部lift都停左.........  正當我諗緊係唔係要行外面斜路先返到屋企之際,好彩俾我見到一個正在巡邏的保安哥哥  我就一個箭步衝上去問佢點先返到去彩俊樓啦!而佢就指示左我點行,我就跟住個方向行就見到2部lift喇! 我入左lift之後就按5樓,當部lift到左5樓一開門,恐怖嘅事就出現喇!  外面竟然一盞燈都冇開,個心諗係唔係去錯地方呀!再望一望部lift係顯示5樓喎! 我個心又諗.......唔係咁邪呀!仲有成個幾星期先到農曆七月喎!唔係咁黑仔嘛!  結果我都係出左lift試吓搵條路返出去啦!出左2個防煙門後,去到一條走廊,經過廁所後, 發現全部門都鎖晒,開唔到門呀!條走廊又冇燈,個人又驚,喺我唔知點算好嘅時候, 又見到頭先個保安哥哥,見到佢我就好似見到神一樣!即時走過去叫佢帶路啦!  唔係見到佢我諗我可能已經返唔到屋企(心臟病發) 都唔明點解夜晚接駁一期同二期唯一嘅通道,又冇燈又冇指示,我男人行都驚啦! 女仕行就更加唔安全,黑到咁有賊有色魔都睇唔到啦!好似我咁細膽嘅都係唔好出夜街喇! 就快農曆七月喇!d環境同氣氛用黎拍恐怖片真係一流 
|
||
|
|
|||
|
心情動態：
來自彩德邨 |
行到邊都咁橋見到個保安......
個保安會唔會就係........ 
|
||
|
|
|||
