|
心情動態：
來自非公營房屋 |
逾百小販旺角開檔搵食 南亞裔檔販「搶爛市」
繼昨日(4日)年卅晚，有大批熟食小販在旺角砵蘭街一帶開檔擺賣，今日(5日)大年初一傍晚6時許，逾百檔小販陸續進佔砵蘭街行人路擺檔搵食，當中有不少南亞裔人士開檔，售賣烤餅及串燒等食物。
有本地檔主表示，今年人流及收入均略遜去年，指出去年已有逾30名南亞裔人士在場擺檔，目測今年人數相若，直言：「往年氣氛好好多，兩日已搵到幾千蚊，今年年卅晚只係搵到千零蚊左右。」 該檔販擺賣燒雞翼及雞髀，「諗住幾好幾受歡迎，點知滯市賣唔去。」因相鄰南亞人經營的攤檔售賣同類食品，加上價錢較平「搶爛市」，故需「變陣」將雞翼及雞髀切件，用麻辣醬料爆炒冀能收復失地。 另有檔販表示，今早11時許已到場「霸位」，惟仍未能佔據朗豪坊對開的有利位置，最終只能轉到山東街附近經營。他表示，去年人流較今年多，估計今年現場有逾半檔口由南亞人經營，相信收入已被分薄。 今年第二年到場擺檔的姓陳檔販，售賣涼伴鹽水雞及雞翼尖，他指今年與去年一樣，有大批南亞人在場擺賣，惟今年人流明顯減少，「上年年卅晚已經回左本喇，今年到年初一都未回到。」他續指，原定由年卅晚至年初三擺檔，惟因生意減少，預計食品售罄後即提早離場。 旺角入夜後，小販陸續在砵蘭街開檔，約晚上8時，亞皆老街與豉油街之間的砵蘭街，有近百檔熟食小販，當中有部分為南亞裔人士。現場所見，小販檔和行人集中在朗豪坊對面的行人路上，並擠滿整條行人路。現場不時有警察巡邏，亦有食環署外判工清理垃圾，而每隔20米左右就有一個垃圾收集箱，故路面未見有大量垃圾；現場亦有交通督導員指揮交通。至於在西洋菜南街和豉油街交界，則有少量小販檔，主要售賣雜貨為主，該處亦有不少警員駐守和巡邏，西洋菜南街就有約6輛警車駐守。    
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡
|
|||
