|
心情動態：
來自碩門邨 |
收鎖匙分享
各位我係10月3日早上10點幾去簽意向書，係1月28 / 29 個兩日收到信 , 安排今日下午3:30 簽租約。
參考左之前林博士既入伙流程 (http://cyclub.happyhongkong.com/viewthread.php?tid=227612) , 所以今日預早左少少 3 點去到 , 一出石門站就直奔去第一區接待處 !! 沿途會有林博士既街站 , 香港寬頻 (新安裝月費平均 9X 至13X) 同網上行 (新安裝月費平均 9X ) 推銷員聚集 , 仲有啲應該係承仔既人行來行去。  去到接待處，首先門外既保安會問下你約左幾點 , 可能早太多就唔比入去住 , 入到去需要戶主提供身分證同收鎖匙信比職員做登記 (唔建議太多人跟入去 , 因為地方淺窄) , 之後職員會比一張Checklist 同 label 紙你 ,Checklist上面寫左你之後跟住要做啲咩 , 同埋安排上樓睇環境同叫你係指定時間返落黎接待處睇簡介影片；label 紙係要貼係當眼位置 , 識別身份。我被安排左3:45先睇簡介影片 , 大約3:10左右上到樓睇環境。  去到豐碩樓 , 好多保安員係度幫忙登記同指示應該要搭邊部 lift , 上到樓 , 鐵閘同大門已經開左 , 入到屋 , 我地就試下開關啲窗 (窗鉸超級唔順 , 好難開) , 試廚房同廁所水管 (兩邊去水都好順暢) , 沖下廁所睇下水箱有冇漏水 (水力唔多夠) , 開埋個花洒試埋去水 (水力好弱 , 水龍頭同花洒接駁有漏水) , 突然有師傅上黎開電制 , 試埋個門鐘 , 度下尺搞搞下已經到3:40 左右就有職員拍門叫我地落去睇片。   去返接待處果度 , 右手邊有張檯 , 比張Checklist 職員 , 佢會比一疊聲明書你 , 之後就去睇簡介影片 , 今日出面仲有舞獅 , 其實我果時嘈到乜都冇心機睇 , 所以我就一邊睇片就一邊睇聲明書 , 一共19份 , 每份都要寫自己個名 , 邊座樓同門牌 (好似罰抄咁) , 應該睇左半個鐘左右 , 就會去另一邊有職員講一次啲聲明書係咩 , 邊個位置要簽名 , 基本上已經做到一個職員跟一個住戶 ; 之後就會按 Checklist 右上角既號碼 , 叫你去比職員睇返啲入息聲明同之前個19份聲明書 , 同埋會收你兩張相貼係租約度 , 亦會收左你既住址證明 , 身分證影印本 (戶主都要影印 , 不過職員可以代你影 , 因為收鎖匙信上面冇講戶主都要影印), 再之後就等交錢喇 !!  經過審慎嚴密既翻查同校對之後 , 中文地址證明終於出場喇 (可惜我冇帶去)!! 因為租約上一早打左英文地址 , 但係要自己抄返個中文地址落租約 , 所以職員會叫你對住黎抄 , 呢度呢一刻我忍唔住講左句 , 唔通你覺得我唔識字? 同埋我帶果個係英文地址囉 !  之後會叫你名去返另一邊交錢 , 有職員 (咁啱行過??) 順路帶埋我去美碩樓交錢 , 交錢位置係比較擠迫 , 而且只有兩個 Counter , 出面果個交租 , 入面果個交泥頭費 , 次序係先交租金再過隔離交泥頭費 , 租金係電腦單 , 泥頭費係手寫單 , 只收現金同冇太多散銀 , 盡量自備去交錢 !!  交完錢 , 拎晒收條 , 一個轉身就有個小 counter (交裝修果張表格都係黎呢度) , 比職員睇返收條 , 再係簽收簿寫返個大名 , 就可以拎到是日大獎 !! 住戶證 (暫時係用手寫卡仔)、鎖匙一抽同入伙資料冊 !! 但唔好即刻走呀 ~~ 因為仲要返上樓鎖返啲門架 !!  我返左豐碩試信箱鎖匙 , 係信箱見到張大門密碼紙 , 之後搭 lift 上返去鎖返啲門(已經有承仔跟上樓 , 最後我地禮貌地拒絕左佢) , 又度左一陣尺寸 , 玩到6點就返老家喇 !!  最後 , 我個人覺得要留意既係 , 簽聲明書個簽名必需要同之前一樣 , 18歲以上既學生 , 有可能需要提供學生證 , 排隊交錢果時千祈唔好見泥頭費有位就去交左先 , 因為人地係要先交租再收泥頭費 , 中電 counter 開10點收5點 , 所以今日冇去睇 , 明天再去 !! 同埋除左睇簡介影片果度比較寬闊 , 其他位置都比較細同窄 , 盡量比戶主一個人去搞就可以 , 其他親友可能要係出面等下喇 !! |
||
|
2012年12月 G1319 擴展 2人
2018年5月中做審查 6月初去補文件 7月收合格信 8月初派迎東 8月中親身去拒絕 9月17日 S2 9月21日 S3 9月22日 S4
|
|||
|
心情動態：
來自碩門邨 |
|
||
|
擴3,G1310xxxx
8.2012藍卡 2017.4.29 S1 2017.7.14 S2 2017.11.20S3 2017.11.28收信第一次派迎東 2017.12.4電話拒絕 2018.7.26電話拒絕滿東 2018.9.6轉S2 2018.9.26轉 S3 2018.10.2轉S4 2018.10.4收信碩門
|
|||
|
心情動態：
來自碩門邨 |
|
||
|
2012年12月 G1319 擴展 2人
2018年5月中做審查 6月初去補文件 7月收合格信 8月初派迎東 8月中親身去拒絕 9月17日 S2 9月21日 S3 9月22日 S4
|
|||
|
心情動態：
來自碩門邨 |
|
||
|
擴3,G1310xxxx
8.2012藍卡 2017.4.29 S1 2017.7.14 S2 2017.11.20S3 2017.11.28收信第一次派迎東 2017.12.4電話拒絕 2018.7.26電話拒絕滿東 2018.9.6轉S2 2018.9.26轉 S3 2018.10.2轉S4 2018.10.4收信碩門
|
|||
|
心情動態：
來自碩門邨 |
|
||
|
G1289擴4
2018/8/2轉S4 8/3收信满東 8/7電話拒絕 8/21轉S2 9/29轉S3 10/8轉S4 10/10收信碩門
|
|||
|
心情動態：
來自碩門邨 |
請問果2段起邊度
|
||
|
2018年8月9日 第一次派迎東
2018年8月13日 REJECT 迎東 2018年9月3日 收到拒絕通知書 2018年9月28日 第二次派碩門二期 (ACCEPT)
|
|||
|
心情動態：
來自碩門邨 |
太長篇 , 所以分左兩段先寫完
|
||
|
12年2月 U0296擴1 ,13年11月轉擴2等於no.G1321
18年7月完成審查 ,18年8月派迎東電話拒絕 18年9月派碩門二期豐碩
|
|||
|
心情動態：
來自碩門邨 |
|
||
|
G1298 擴四
2018年825收信滿東 8月28拒絕 9月1號轉拒絕 9月7號轉s2 11月16號S4 11月21收信碩門
|
|||
等着你的分享
