食客要求自行入盒變自動入盒 名店咁樣講

楊管

食客要求自行入盒變自動入盒 名店咁樣講

自攜餐具、食物盒的環保文化在香港嶄露頭角，不少餐廳亦參與其中，減少提供即用即棄餐具，惟有些食店則反其道而行，將自攜餐具的食客拒諸門外？有網民指，今日（18日）自攜食物盒到一間著名點心專門店買外賣時，店員竟端出8個裝好點心的外賣發泡膠盒，讓其自行放到自攜食物盒內。他無奈感嘆：「我出發點係為咗環保，為咗海洋。」

網民 Yin Arlslum 在個人 Facebook 訴說中午到該點心專門店買外賣的不快經歷。由於他得知公司中午有午餐派對，要買外賣，故特地從家中帶了3款不同尺寸的食物盒，以便環保地帶走十多款點心。豈料店員竟截鐵斬釘拒絕。於是他提出自行將食物入盒，「我叫佢哋當堂食咁拎出嚟，我自己夾入盒，果位姐姐（店員）都答應咗。」

惟食物來到時，卻使他目瞪口呆，理應由蒸籠及餐碟盛放的「堂食點心」，已分別被放入8個發泡膠盒。他不禁問：「你咁樣畀我？」店員直認不諱：「係呀，你自己夾入盒啦。」他對此表示失望，「我冇堅持將食物由發泡膠盒轉去自己餐盒，因為我確信佢地唔會重用呢8個發泡膠盒。」他亦指，自己不介意被罵「環保X」，「我出發點係，唔想自己同同事食發泡膠食物。」發文者獲網民力撐，有人更留言直言：「我睇完都嬲！」

東網向涉事食店了解事件，該店陳經理指，當時正值繁忙時間，未能滿足所有客人的特別需求。亦因「點心分開咗好多部門製作，好難集中放進客人準備嘅盒入面。」陳續謂，「會按照食物口感、味道分類入盒，所以13樣點心用8個盒唔算多」。記者問及為何答應食客「自行入盒」後又「反口」，陳則表示：「從來都冇答應過。同埋驚點心太熱，客人自己入盒會整親，所以唔會畀客人咁做。」

對此，事主表示，店員當時未向他提及「自行入盒」的難處，且反指店員不理其落單購買甚麼點心，便已質疑食物盒「唔夠位」，不容他使用自攜食物盒。他希望名店帶頭做好環保，別拒人於千里，「就算（自己準備嘅盒）真係放唔落，我先叫佢畀個盒我裝，起碼用少好多發泡膠。」

網民有話說：
Kathy Chu：你做得好啱！
Vikki Wong：佢哋可能驚你揾原因投訴佢哋食物，所以寧願唔做唔錯。
Mavis Chu：似玩野喎？

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

阪神虎KI-TA

muimui0123

  各有苦衷...    有D食肆怕你提供的用品不衛生, 有事會"賴" 佢...

andycym

唔幫手放入環保盒都算合情理嘅。不過，人哋要求當堂食咁攞出嚟，自己入盒應該無問題吖。個經理話怕太熱整親個客又似乎搵嘢嚟賴，提醒一吓就可以啦，否則係咪要雪翻凍啲嘢先再俾人客食呢？

Aping

您旺旺

環保唔係大曬…… 繁忙時段真係唔好去搞搞震呀…… 書呆子！

carriewwf

有些店舖買外賣飲品都係咁情況！

chanster

  各有苦衷...    有D食肆怕你提供的用品不衛生, 有事會"賴" 佢...
muimui0123 發表於 2019-02-19 08:31:29 原文

茅錯, 若我做食店我都會咁, 唔知你D盒喺點, 一有事就比人PO張發霉相公審

chanster

環保唔係大曬…… 繁忙時段真係唔好去搞搞震呀…… 書呆子！
您旺旺 發表於 2019-02-19 11:15:05 原文

咪喺~~~~洗膠盒浪費水, 洗潔精又喺一種污染

您旺旺

回應 #8 chanster

咁有要求，又帶咁多個盒去，唔知邊樣入邊個盒先至啱嗰啲少爺脾氣……