|
心情動態：
來自非公營房屋 |
學生租場玩粉塵 場主嬲爆善後 網民轟危險
 粉塵意外頻生，學生唔知驚？網上流傳有學生租用室內場地大玩粉塵派對，危險之餘亦弄髒地方，令場主非常不滿，到底所為何事？ 有爆料者於社交平台投稿，投訴一間教育機構租用場地舉辦學生活動時，起初僅稱「玩少少顏料」，豈料最終大玩粉塵派對，令場地面目全非！ 爆料者怒不可遏：「塵嚟的！搞到人哋全公司都係！入晒木地板入晒冷氣入曬窗簾要搵師傅清！入咗電器燒咗會爆炸㗎！比啲常識啦，有冇讀過書的」！ 租出場地的三製作（香港）有限公司回覆《港呢啲》查詢時表示，參加活動的學生事後逗留約6小時協助清潔，並償付2,200港元作冷氣機的清潔費，「但其他嘅清潔費用係冇畀嘅…佢哋嗰日係盡量抹啦，但好老實，我哋個場係無可能就咁抹到，因為我哋有木地板，同埋啲粉塵飛到周圍都係啦。」負責人說，總清潔費用近一萬元，惟對方沒有承擔。 涉事教育機構互文教社則回覆指，當日活動是由學生自發舉辦，該機構只提供資金予學生舉辦活動。發言人指，學生們已按場地負責人要求清潔現場，並無逃避責任之意，並直至負責人同意才於凌晨1點45分離開。 發言人指，學生事前已通知場地負責人，指有機會弄污場地，並質疑場地負責人為何沒有即時阻止活動進行。 浸會大學宿舍去年11月發生塵爆，引起全城關注。香港科技大學化學系講師陳鈞傑接受東網訪問時曾指出，粉塵爆炸起火成因不在於火種大小，即使麵粉原本屬於非可燃物質，但若大規模揚起，微細粉末暴露於空氣中並與氧氣混合，則會轉變成大面積可燃物質，一旦物質表面受熱則會急速反應引發爆炸，「就好似煤氣洩漏一樣，只需要一兩點火星，都會造成瞬間爆炸」。       
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡
|
|||
