巴打狠批公屋設計三大缺陷！網民分析：香港人才有上進心
有人話住公屋就是人生勝利組，但也有人嫌棄公屋？網民QSnewbie日前在網上發帖訴苦，疑似公屋住戶的他，狠批舊式公屋設計「咁cheap咁核突」；以為待候多年終於上樓可以做人生勝利組，卻變成要上網呻吟。有網民突破盲腸：「公屋要低檔，香港人才有上進的決心和動力」。
樓主的帖子標題為「唔明舊式公屋設計點解可以咁cheap咁核突」；樓主在帖內狠批公屋設計咁cheap咁核突，大致可歸納為三點：
1 無窗花無窗框
樓主怒轟公屋窗口設計無窗花又無窗框：「除左為左慳錢外, 我唔明D窗囗點解無窗花同窗框, 得幾條鐵柱欄住, 就好似生活在鐵窗邊緣」。
2 開放式電梯及走廊
他續稱：「電梯走廊又用開放式, 蛇蟲鼠蟻隨時爬入黎。真心講句, 好 cheap 好核突。」
3 室內設計想嘔
越講越傷心，講到公屋戶內，樓主疑似身體不適，難以繼續：「內櫳都唔想再多講, 想嘔」。
他在文末慨嘆：「排咁多年隊做人生勝利組 最後就係住d咁既屋？點住？」
網民不屑：「訓公園囉」
樓主獲派公屋，竟不知如何居住，遂發帖求救。江湖救急，不少網民踴躍留言。有網民表示：「好簡單，97前根本香港人係冇選擇嘅，飯來張口！英國佬比咩咪全單全收囉」。
有網民不屑樓主：「你可以唔揀，on9」、「訓公園囉。夠晒大。 好過成皮野做湯房」、「狗都不如，話緊你吖樓主」、「好拎唔拎拎啲最舊嘅公屋黎比 而家新嗰啲又唔見你拎出黎俾人睇」。
另有網民分析：「從前公屋設計非常好，一睇就知是公屋。現在的太差，起得好過很多舊單支私樓。公營房屋一看就知道是好事，但現在的太顧及市民感受，令入住的人自我膨脹及不願提升自己！」。
其他網民意見，節錄如下：
這種舊樓已經越來越少，而家D新公屋好過好多私人樓。
強烈建議恢復核突公屋激發市民上進
公屋應該係咁架喎
通常都係派新公屋
當你叫一個深水埗籠屋居民入住 他會好開心 各人要求不同，不需比較
知足常樂
