管理處表現好與壞

凱樂先生

管理處表現好與壞

啱啱早幾日入左伙lu~ 係一件好開心既事. 不過近幾日有時等lift或者係大堂經過,
聽到某啲都係入左伙既業主向保安投訴屋苑清潔問題, 話垃圾房無開, 樓層又無做清潔, 又話垃圾要分類等等… 甚至已經有業主話嚟個管理處好廢之類. 聽到有啲無奈, 唔係話幫管理處, 但岩岩先開始, 已經話唔得, 實在有啲睇唔過眼. 管理處廢定好, 唔會咁短時間就可以決定到… 我唯一可以講既就係, 睇下新聞, 對比起其他新入伙屋苑, 屏欣苑, 彩興苑, 至少凱樂苑無其他屋苑既問題.

馬路泥頭無爆出黎, 樓層無大量垃圾堆積, 其實已經好難得. 最無奈係聽到有業主話無人清潔. 而加仲係裝修高峰期,
有乜可能會洗地. 洗完啲塵痴落地地板咪仲污糟… 唔好講好唔好, 至少我日日都見到有清潔上樓係咁執雜物. 將心比心, 啲雜物係邊個掉出黎? 唔通管理處特登掉啲垃圾係走廊之後叫清潔上去執?

啲師傅全部都係業主自己請返黎, 樓層啲雜物全部都係班師傅自私咁掉出去,
有啲仲衰到撕左管理處係紙皮上面寫既門牌號碼,然後掉係大堂, 其實個責任係邊個度. 將所有責任歸究管理處唔清潔, 我覺得唔係咁好囉. 當管理處真係而加就開晒垃圾房, 肯定垃圾房入面全部都係紙皮泥頭垃圾, 到時仲污糟仲臭.

今日管理處都特登打黎提我,
話上面單位有人試水, 叫我記得關窗. 佢地其實無責任咁做, 可以出張通告就算數.

唔係幫住管理處, 但管理處廢定唔廢, 唔好咁早下定論.
現階段就咁睇, 我覺得嚟個管理處唔算廢. 最後講多句,
其實我地交緊既管理費, 係1.5一呎, 唔好以為自己交緊3,4蚊一呎呀. 希望大家自律, 一齊享受新屋苑既優良環境啦!

您旺旺

將心比己……

tonykk

講得好

高腳七

cloudywolf1981

Asia133

我彩興嗰個清潔阿叔幾好，我見朝朝早洗大堂及電梯既地下，雖然只係洗舖在地上的紙皮，但都已經好好，亦有清理樓層垃圾（至少我嗰層有）。

Jackycch

SY301

ThomasLo2018

如果人人自律, 管理處可以.. 坐下~

kitlau