平凡最幸福 包容更開心

mamachung

平凡最幸福 包容更開心

綜合報道)(星島日報報道)平凡最幸福 包容更開心

阿燦廖偉雄跟老婆結婚三十年，在廣州擺了廿幾圍酒招呼朋友，我當然要帶着老婆去啦。

　　那天見到一些香港名人來祝賀，如薛家燕、細龜黃一山和幟哥黃永幟等，還有一些本地明星。以為去飲就一定鮑參翅肚，錯了。這天響應環保無翅食，菜式都是一些家常便飯，如陳皮西洋菜豬手湯、蒸鯇魚、竹笙扒豆腐和炒芥蘭等等，大家吃得讚不絕口，因為多數去飲其實都唔多好食，但這些家常小菜就正合「合尺」！

　　其實，就正如婚姻一樣，最重要是啱食，山珍海錯又食得幾多呀，唔啱食又點會飽肚呀，生活就是平凡最幸福。去飲又點可以無酒呀，當日紅酒和威士忌任飲唔嬲，阿燦更拿出三十年前結婚時買的靚酒，靚到不得了，不只好飲，更極有紀念價值。飲到醉昏昏，大家都拖着老伴到舞池跳舞，好溫馨，好懷舊。

　　三十年的感情，當事人當然不禁要想當年啦，這晚阿燦就分享了三十年的婚姻之道。回想從前，阿燦在電視台日拍夜拍的日子，不但跟老婆見得少，沒太多時間陪她，而老婆有時又在電影機裏看到老公跟一個又一個靚女花旦演對手戲，狀甚親熱。

　　婚姻之道：懂得體諒

　　阿燦話，原來老婆仔當年心裏都不太舒服，不過，她很懂得體諒，不開心的都叫自己忘記，心裏就滿是包容，令阿燦好感激，這樣三十年就無風無浪，幸福的過去了。

　　這樣說來像很容易，但其實婚姻是一場接一場的馬拉松加障礙賽，一點都不簡單啊！

"愛"令人變得包容

老貓

平凡最幸福~

彩喜比利

每當見到廖偉雄呢三個字,我就諗起漢堡包

VickYeung

MaggieWong

一個女人睇住自己心愛既男人同其他女人親熱,即使知係假象,但心裡的確好難受,唔係每個女人都可以包容到,做到若無其事~

yee

Katie梁

好欣賞亞燦扮野扮得好徹底

mamachung

"愛"令人變得包容
單飛媽咪 發表於 2011-11-30 22:09:39

因為願意付出....為所愛的人...!!

mamachung

每當見到廖偉雄呢三個字,我就諗起漢堡包
彩喜比利 發表於 2011-11-30 23:41:16

似你......淨係掛住食 !!