麗翠保安員串過碼頭咕哩, 連業主都要受氣？

停停諗諗

麗翠保安員串過碼頭咕哩, 連業主都要受氣？

事源於今晚大9點左右 1座麗森發生了火警
慶幸起火位置是20樓垃圾房 並沒有做成傷亡
但由於救火後現場留有大量水 並有街坊家人到上址查看 估計該層有不少單位都已經入水 並對單位做成一定影響

事後有1座住戶表示已經即時致電麗翠控制室 雖然當時得在職員接聽 但職員不負責任及惡劣的態度令人震驚

以下為我們麗翠住戶及麗翠控制室職員的對話概括 由於事發突然 我們未能預先錄音

該住戶致電控制室，並由一位自稱方心得，職員編號22217的男職員接聽。當住戶向其查詢為何發生火警，完全沒有職員通知1座住戶時，職員反問住戶''點解要通知?'' ''我點知你地有人響度住?'' 更表示''依家咪有警鐘響左囉''。住戶表示: 我都未入伙，何來聽到火警鐘響?

期間職員更向住戶表示快D投訴佢，最好聽日炒佢。然後更直接收線。其後住戶一共打了30分鐘電話到控制室，但依然沒有職員接聽，打去一座大堂更加沒有人接聽。

以上經歷反映了麗翠現時出現了無保安時分? 安全問題相當令人不安，為何控制室及地下大堂可以沒有職員當更及接聽電話? 麗翠管理處到底聘用了什麼人士來擔任保安員???

我們麗翠業主並非提出過份要求，為何依然受到保安員的粗劣對待及回應?

麗翠人好恰嗎? 麗翠業主都是被當傻仔嗎?  我們真金白銀買樓，每個月交足管理費，未得到應有的服務時，還要受氣?

KU1500

回應 #1 停停諗諗

可唔可以開大會換走管理公司？

停停諗諗

回應 #2 KU1500

頭兩年由於係房委托管所以頭兩年我哋係硬食一定要用呢間物管的
但係我哋可以做嘅係
成立業委會
再由業委會去經成法團
然後兩年後就可以透過法團去更換物管了

bigben2006

呢間管理公司真係麻麻地 , 我第一日收樓已經做錯野 , 搞到我白行一趟

muimui0123

  係咪因為最低工資，所以質素越來越差，私樓都係，仲成日話請唔到人。

阿仙龍

重有保安員管理層態度奇差！

fungkamchee

可否向房委會投訴?

wtk7213

立法团，換公司

m28

傳聞人工高，12,000+

m28

8小時