竟然可以喺五月之前，有人宣稱9%嘅業主委任左趙集仁。
但未入夥喎～如果有人偽造文書，或向政府作虛假聲明，係刑事責任喎。
喺第一次業主大會，投票之前已經有好多街坊，質疑呢一個合法性，民政署主任又好，管理處代表律師，冇一個人夠膽話啲信係真嘅，只有管理處高級啲嘅經理，話啲信係真，叫大家投票，大家點諗？
吊詭嘅係：代表管理處嘅律師都唔夠膽確定，個經理竟然夠膽確定?
我哋一齊集思廣益，諗下點樣追究相關刑事責任。
1）趙習仁成日話告人刑事誹謗（ 689同777都未試過告到人哋刑事誹謗，不過佢咁犀利可能或者有機會警察同律政署，基於重大公眾利益為左係彩興成立趙習仁口中嘅非戰爭中立區?，會用公帑控告我哋啲業主?。），到時上到法庭，咪逐張委任信，等個法官要求警察或者律政署證明係真個囉。只要有一張，個業主話冇簽過，佢就仆街啦。
2）如果覺得趙習仁冇咁大power告人刑事誹謗。咁我哋可以說服佢，叫佢用民事形式，告啲街坊誹謗。不過情況同選項一都一樣。
如果身有屎，某人應該唔會用第一或者第二個選項, 所以我哋要幫幫佢。
大家諗下有咩方法?
我拋磚引玉先，我哋一人一信寫去比執法機構，指名自己冇授權俾某人，要求政府徹查，咁我哋有1350戶，我諗有2-300戶肯寫信入去，都應該會引起執法機構嘅注意。
我知道某豚而家日日睇住呢個論壇：犯咗法走唔甩㗎啦，盡快向就近警署自首。鬥快同警察爆料，可能可以轉做污點證人呢，把握機會啦。出返嚟，可能都仲睇到個小朋友小學畢業嘅。
