選舉事務處
如果而家先登記做選民呢係可以寫綠怡做地址，唔需要畀住址證明。選舉事務處收到新登記後會發信去確認地址，但由於有可能當時我哋未收到樓而郵差未發到信俾我哋，所以要記住留低聯絡電話，如果我哋收唔到信，封信會彈返俾選舉事務處，選舉事務處職員會聯絡我哋去核實地址。
至於已登記嘅選民係唔能夠而家改綠怡做地址，因為我哋冇辦法提供住址證明，住址證明亦都冇得後補。
房協
房協回覆喺三月頭已經向地政總署申請滿意紙，而家只需要等待地政總署批出滿意紙之後，佢哋會馬上統一出信通知所有1020户嘅業主。同時間律師樓會安排各個業主去律師樓簽署埋所有嘅文件，預計所有業主完成時間係一個月。
我亦問過房協由簽署左律師文件之後幾耐可以收到鎖匙，房協回覆係業主處理左文件之後已經可以即時通知綠怡嗰邊去安排俾鎖匙，只要有時間，快到可以即日處理，因為收鎖匙嗰邊有可能要預約時間去拎。
我亦有問過房協會唔會先處理左綠怡雅苑依邊先，畢竟我哋已經延遲左五個月，職員就話會盡力去處理綠怡，都明白係已經延遲左好耐，但最關鍵都係要睇地政總署嗰邊幾時批出滿意紙。
地政總署
為咗確認綠怡批出滿意紙嘅時間，由打去地政總署到地政總署沙田分區到沙田分區嘅主任電話
因為沙田分區嘅主任係冇聽到個電話，我亦已經留言，希望可以盡快知道地政總署究竟批咗綠怡滿意紙未。只要知道地政總署批出嘅時間，我哋業主就可以預計整個交樓過程確實係需要幾多時間。
呢方面要再跟進，待覆。
如果大家有疑問，可以打電話去查詢
選舉事務處 28911001
房協 81012238
地政總署沙田分區 21584700
好多謝你分享?
