更改活動室用途

Micann320

更改活動室用途

今日收樓，問咗房協一樓活動室可以建議物管公司做健身室或兒童遊戲室，所以各位業主可以俾啲壓力物管公司??????

devin榮

我不支持!   寧願減多D管理費好過啦!   仲改乜鬼丫!   維持現狀繼續做活動室仲好丫!   得閒落平台花園行下, 坐吓!   整埋D健身室/兒童遊戲室只得小撮人享用!   又要多搵人管理維修!   如改造後, 該設置營運資本, 使用設置者可用者自負可以cover到嗎?   唔係又搞到變成9成業主資助1成業主享用咁呢!

ricetung1007

我都不同意，寧願做閱讀室可以清靜，俾人睇書或者溫習用

Csvfcsvf

我不支持!   寧願減多D管理費好過啦!   仲改乜鬼丫!   維持現狀繼續做活動室仲好丫!   得閒落平台花園行下,...
devin榮 發表於 2020-06-17 20:43:03 原文

絕對唔贊成任何改動。最好關閉。 無謂白交管理費俾人開冷氣開燈

Prettynoddy

Keep返做活動室都好，不過我未收樓唔知大唔大，第時俾人租黎搞吓活動用系唔錯（例如生日會、乜乜聚會、夾吓band）不過唔知系點運作呢！？

skeay

整健身室或者兒童遊樂場其實好唔化算!
原本單幢樓已經少住戶分擔費用
兒童遊戲室或者健身室又比較小眾,入場費收得少又圍唔到皮,收多得又無人用
而且健身室同埋兒童遊戲室的成本比起大家諗既多
除左最基本買器材/遊戲用品之外, 亦要搵人定期保養,同埋買保險, 又要搵人管理同定期清潔, d野爛左又要換...
管理呢堆野又要請多條友
少數真係怕長計呀! 最後咪又加管理費...

Yamayaya

其實翠河個位點解唔可以做埋會所  都係屬於翠鳴臺但又外判俾人房協自己收租，呢個管理費 包埋翠河個位做會所一d都唔過份呀

ch0wwai

我宜家住緊栢慧豪園，佢就算有gym room都無乜用，入面啲機種類唔多，我覺得一係整就整到最好，横掂都係要夾錢，一係就唔好整算，寧願有需要join岀面啲gym場算

Jaco

想健身可以去對面大興花園Physical既……呢排平咗，大家可以諗諗！

cyanna

其實出去吾係吾好，只係最怕比人成日行嚟sale教練plan煩死，運動巳經好普遍，後生嘅或者老人家都要適量運動，新屋苑有個健身室其實係基本設施吧