關於裝冷氣電制問題請教

馬獅龍

關於裝冷氣電制問題請教

想請教各位，我一房單位全屋原裝電制無加任何制，如在廳裝一窗口一分體，夠電制位嗎？係咪一定要加多個制？

Alvinryoko

唔夠, 冷氣機要獨立開關制, 喺石屎台附近得一個係俾冷氣機用, 要整多個

muimui0123

你係咪三人單位? 全屋只裝兩部?

如果裝兩部就冇問題， 我兩房各裝一部， 然後 廳裝一部分體，個師傅話可以唔加製，但係開廳時唔可以開房，只可以開其中一部 （ 另一間房就唔影響）， 所以我最後都加錢 做多一個掣係廳。

馬獅龍

回應 #3 muimui0123

即是一個制廳房兩份用？都好過過無啦。因為銀根唔夠自己屋企人整地地油漆間房，所以電制果D無搞

馬獅龍

回應 #2 Alvinryoko

因已做油漆，仲可以加嗎？走明線得嗎？

馬獅龍

回應 #3 muimui0123

師姐，我係一房單位，諗住廳用櫃間房。你間屋應該進行得七七八八吧？裝修真係好鬼煩，又想慳錢左就右就自己又唔識，搞到人都抑鬱埋，好彩有呢度可以問下

muimui0123

回應 #6 馬獅龍

係呀， 真係好煩，最慘係冇錢， 錢真係可以解決好多問題，不過有啲嘢，長遠計要用嘅，就唔慳得。我都只係鋪咗地，間房， 批咗灰 未油，有排攪…

zskin13

其實佢獨立綫到冷氣，應該可以跟原本喉路由電箱滲多一組綫到冷氣位，原本冷氣位用咗2個制面（1個開關，1個出花綫），可以變做2個單獨孖pole連埋出花綫。不過冷氣喉路我夠用所以冇跟過。

Alvinryoko

回應  Alvinryoko

因已做油漆，仲可以加嗎？走明線得嗎？
馬獅龍 發表於 2020-07-20 11:07:21 原文

明線一定得, 係無咁好睇姐, 詳情你問返有牌既水電師傅

Alvinryoko

回應  muimui0123

師姐，我係一房單位，諗住廳用櫃間房。你間屋應該進行得七七八八吧？裝修真係好鬼煩，...
馬獅龍 發表於 2020-07-20 11:12:54 原文

我用左櫃間房, 但要留意, 隔音都幾差下, 裝修係煩, 我前後搞左4個幾月先入到伙(又農曆新年, 又大6封城, 搞到傢俬遲左兩個月)