舊屋邨陽台做趟窗

Szefan2015

舊屋邨陽台做趟窗

房屋署要求提供文件, 先交畀屋辦, 但係, 鋁窗師傅話唔洗通知邨辦｡ 如果唔通知就安装, 會點？ 師傅又唔想申請文件做圖, 佢話做圖要加收錢...想聽下, 有冇人同我一樣？

如何處理？ 抑或搬入後, 等邨辦睇完再安裝？

nak

鋁窗佬肯定話唔使拉、你比房署扣分，又唔係佢比人扣分。你扣唔扣分，佢都收你錢。
佢唔係唔想做圖、係佢唔識做圖、所以先收你錢搵人做。
而家個重點係屋邨辦事處要你騎樓做鋁窗個表格、要交返房署總部審批。
掉轉你有層樓租比人，個租客自己搵人裝鋁窗，如果有乜野事你做業主有無責任呢？
定係賴晒個租客、即係你個窗跌落街，房署話唔關佢事得唔得。
有D野跟返程序好D既、個幾尺鋁窗，佢唔做大把人做拉。

谢xie

房屋署要求提供文件, 先交畀屋辦, 但係, 鋁窗師傅話唔洗通知邨辦｡ 如果唔通知就安装, 會點？ 師傅又唔想申...
Szefan2015 發表於 2020-07-20 21:25:47 原文

照師傅講的做。你入紙有排你等。

curry451

回應 #1 Szefan2015

建議你換鋁窗師傅,你師傅唔老實,要信房署.

ad2007

房屋署要求提供文件, 先交畀屋辦, 但係, 鋁窗師傅話唔洗通知邨辦｡ 如果唔通知就安装, 會點？ 師傅又唔想申...
Szefan2015 發表於 2020-07-20 21:25:47 原文

我哋果陣時邨主任又無講話要入紙申請哦，佢只係同我哋講，如果我哋裝佐窗到時吾租依間屋要俾返還原費

Luckyme

回應 #1 Szefan2015

我就照足程序做，係要等下咖！唔一定會上嚟查，但萬一查你就好大劑。所以唔好搏！

Gn00127187

回應 #1 Szefan2015

個人感覺係既然房署話要,你咪做足囉,到時房署事後秋算,唔通你答佢個師傅話得?
你自己諗下先,
仲有一點,如果你冇入紙申請,冇申報,
到時"萬一"有咩意外,你洗唔洗上身?
你明架喇,唔怕一萬最怕萬一,聰明D喇..唔好因小失大

laupakyin

入紙就穏陣d，不過價錢會貴d，因房署要當小型工程來看待，其實都係錢問題，入咗紙，其實已有個暫準通知書都即刻開得工。

WINKYCHAN

建議入紙申請。
之前我裝冷氣,因為裝(騎樓)入面,師傅都話唔駛入紙,結果邨辦神通派人上嚟望同影返兩張相。因為我裝機冇裝出去冇違規,佢地只係紀錄在案。
我冇申請冇通知都知我呢戶裝冷氣,而且簽約時其實都有講冷氣 鋁窗要跟房署指引(舊邨通常睇得緊啲)所以建議入紙,費事房署派人上嚟睇場,一陣畀佢周到你(師傅)唔啱規格又係麻煩。。。

WINKYCHAN

我哋果陣時邨主任又無講話要入紙申請哦，佢只係同我哋講，如果我哋裝佐窗到時吾租依間屋要俾返還原費
ad2007 發表於 2020-07-20 21:58:54 原文

我簽約嗰時講明冷氣同鋁窗都一定要入紙申請,鋁窗有建議款式,仲話如果跟足房署規格裝窗,他日還屋可以保留唔駛還原,但前提係要符合房署標準