被主任耍陰招欺騙了

Kamlui426

被主任耍陰招欺騙了

我是白田邨六人家庭重建戶(一家四口+外母+舅父), 我自己一家四口在2013年申請公屋｡
由於我外母住既白田邨要重建, 當時負責我哋嗰棟樓嘅主任話可以加我哋一家四口嘅名入去, 可以搬去兩間三至四人單位｡ 但一定要我的公屋申請, 日後唔可以再加舅父其老婆或其子女個名字入去｡ 當時我再三詢問佢係咪一定派兩間三至四人單位, 佢仲好肯定咁同我講一定派兩間三至四人單位, 並且同座同層, 佢仲當場幫我取消公屋申請｡
但當公佈了編配標準, 我發現同主任講嘅說話唔一樣, 於是我即刻去問佢,  佢竟然同我講佢當時無講過"一定"派兩間三至四人單位｡
我想問一個普通三人家庭申請公屋都會獲派3至4人單位, 點解六人家庭唔係派兩間三至四人單位？ 房署職員講嘢係咪唔需要負責任 ？點解要騙一個安份守己等咗七年公屋嘅小市民？ 去到呢個時候我仲有咩可以做？

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

richardeng

1個1房再加1個2-3人

型英帥靚正

其實⋯⋯驟眼睇落好似都無乜可能、唔係幾合邏輯。你冚家夾埋最多都係六壯士，有乜可能會分得到兩個三、四人單位俾你吖。

去到今日呢啲環境已經變成係口同鼻拗，苦然係真有其事，最多都只能夠嘆一句：遇人不淑，已成定局。

依家咁情況，兩個大單位已經無望唔使諗，只能夠等兩個細單位。

如果真係覺得當時位房署嘅職員有誤導成份而令到你有任何損失，我哋大家都係講法律、講道理嘅文明人嚟，應該合法循民事途徑為自己爭取權益，建議你可以去申訴專員公署投訴，為自己爭取合理嘅補償！

ray12381222

ckw1213

白田重建户唔係自己揀單位嗎？ 揀搬去蘇屋果D好似自己揀單位喎！

Ivan文

回應 #5 ckw1213

佢宜家話個主任呃佢，個主任話6人派2個1房，但係事實係1個2房+1個2-3人單位

Ivan文

回應 #3 型英帥靚正

而且房處對重建戶已經算好好，肯俾你地揀單位。

wtk7213

Gn00127187

先唔講件事係佢講錯定你聽錯定真有其事，
你可以做嘅就係面對現實，令自己同屋企人生活好啲先，
點可以做到呢點？在於點去改變你自己嘅諗法，
首先香港生活房屋緊張係事實，就算你有冇被呃，舊白田要拆亦係事實，
再者向好果面諗，有得必有失，用舊樓多少少嘅空間去換新樓大大嘅安全性+俾屋企人多多嘅舒適度你都唔願意嗎？
最後想講嘅就係呢個編配標準係for所有拆遷户，又唔係針對你一個人，有幾唔公平呀？
既已成定局，面對現實，滿足現狀，你嘅生活將更美好！加油?

Gn00127187

回應 #7 Ivan文

識得知足好重要