公屋人瞞稱住私樓 網民：做人要老實光明正大

楊管

公屋人瞞稱住私樓　網民：做人要老實光明正大

近日公屋及私人樓宇的差距成為網民熱話，有網民在討論區稱「識兩個人，住鴨脷洲邨話住海怡，住何文田邨話住何文田站隔離」網民質疑，「點解唔可以大方承認自己住公屋?」。

有人留言，認為住公屋的生活有時候比住私樓還要好，「你朋友太謙虛喇 ，住公屋仲威過住私樓，住私樓一係要供，一係要交租，慘慘」、「公屋無黑廁， 廚房比較大， 生活，煮飯仔， 不用管理公司左右手年年加費，停車場不少歐洲車， 不用每月抬錢給銀行」、「住公屋不知幾幸福」。

有人認為是面子或者維護自尊心緣故，「我朋友住公屋，追求者送佢返屋企，都叫佢送到附近私樓，然後自己行返去，我都唔明佢咁辛苦做乜，其實無乜好自卑」、「我仔同學住石排灣邨，佢啊媽在FB講暑假要落樓下會所游水，諗唔明石排灣邨有會所咩」。

也有人認為是平常不過的事，只是方便人知道居住地區「我平時會講住xxx(屋苑名兼係地鐵站名) 嗰邊附近嘅XX邨。或者有時就話近XX站落車會有人誤會我就係住XX屋苑。因為同事唔係呢區，未必識區內屋邨。我覺得OK。反而有時只講邨名佢頭上都係彈出個問號」

不過也有人逆向地降級報稱住公屋，「有人舢舨充炮艇，也有人反其道而行,有錢扮冇錢,唔想親友問他借錢」、「我倒返轉， 費事公司入面班窮人眼紅」。

眾多網民意見之中，有網民直接點出兩邊的不是，「扮住公屋同扮住私樓都係唔誠實，但係扮住公屋仲衰過扮住私樓。扮住私樓係因為知道受社會資助，有羞恥之心唔想人知。扮住公屋係孤寒自私，自降人格，根本你唔特別同人講咪得囉。如果對方知道你扮住公屋，即係信唔過對方，驚人痴金糠，連朋友都無得做。我成日覺得啲人好煩，一時又話住公屋，一時又話租私樓，一時又話有自置私樓。做人要老實光明正大，就唔駛搞到扮來扮去」。

samwong88882001

wtk7213

虛榮

laupakyin

人就係喜歡分等級，從來世界就是唔公平，但香港已很好，什麼階層的人也可搵到自己的消費模式，你不需眼紅別人，不要和人比較，沒錢就是沒錢，但我會跟自己說，我一定活得很開心，你活得開心過我先算吧，但我不會跟你比較，去茶餐廳食飯也可以很開心，返大陸旅行也可以增廣見聞。
再說，住邊也不需要隱瞞，人想進步，就必先承認自己缺點，你覺你窮，認未認，之後就努力學習和賺錢。

SLLAM

受社會資助就覺得羞恥？？？如果真係咁，咁呢種人係蠢人囉。你日日返工返足八九個鐘，搵返嚟嘅錢竟然唔夠你解決基本住屋需要，要靠公屋，咁問題唔係出在你身上喎。除非你有手有腳唔做嘢，咁就係你問題 。

sherryshen

?

fortesting

住邊本來就係私事,唔明私事點解要"光明正大"

自己開心咪得,住官涌都可以話自己住九龍站(附近)啦

CardyLam

近日公屋及私人樓宇的差距成為網民熱話，有網民在討論區稱「識兩個人，住鴨脷洲邨話住海怡，住何文田邨話住...
楊管 發表於 2020-10-05 06:00:23 原文

人生百態

wongy

政府推出綠置居只供綠表人士購買，某程度上都證明左公屋人士都可能有一定購買力，因為住公屋嘅一可能比住私樓嘅更有上進心。
不過我覺得香港一直存在「只可以自己比他人好」的心態絕對不應該繼續落去。

型英帥靚正

一句綜合晒——『7人思維』，鑒證完畢！