浴室試水問題

思念

浴室試水問題

我在浴室用花灑射向近地面的牆身（射5分鐘），完全無滲水出廳。但我移除花灑頭後，直接用水喉高壓向近地面牆身射水（射2-3分鐘），滲水出廳問題很嚴重。
我想問一下正確的試水方式是怎樣的？我浴室有沒有滲水問題？

giselle0603

其實無論用乜方法  滲水就係問題。。點都要處理

思念

其實無論用乜方法  滲水就係問題。。點都要處理
giselle0603 發表於 2020-11-29 18:01:33 原文

唔知應唔應該用高水壓嘅方式去試水?

gamewkh

其實都是模擬浴室倒水洗地，咁會唔會流出客廳。
用水喉射水(無論點射法)，滲出廳已經唔OK。

nak

回應 #3 思念

應該要跟進。

kmwai

我在浴室用花灑射向近地面的牆身（射5分鐘），完全無滲水出廳。但我移除花灑頭後，直接用水喉高壓向近地面...
思念 發表於 2020-11-29 17:22:52 原文

好明顯只有淋浴範圍有做防水, 其餘地方冇, 一般情況下都唔會整到個廁所濕晒所以問題不大, 不過如果遇上爆水喉(果２支筷子)又或是洗面盆週邉吱膠不妥漏水, 就會浸出廰外。

B04SL

一般測試防水工程的方法有兩種：
1. 24小時蓄水測試，用於測試地台有沒有漏水或滲水，先將廚房或廁所的地台去水位及門口封好，防止蓄水流失。蓄水至廚房或廁所的地台到達某高度（應該不高於門邊級咀），在牆身做好記號（記下蓄水的高度），若24小時內蓄水沒有明顯下降，防水工程便算合格。
2. 淋水測試，主要用於浴室牆身（企缸或浴缸周邊牆身），用水管向周邊牆身由上而下間斷淋水3分鐘（模擬淋浴的情況），待4小時後觀察被淋水牆身的另一側面（即反方向的牆身），有沒有滲水現象，若沒有滲水現象，防水工程便算合格。

坊間部份裝修公司承做浴室防水工程，只包括企缸地台和周邊牆身，不覆蓋浴室企缸以外的地台和牆身，也不會建議在廚房做防水工程，小心留意！

豬女

咩方法試唔係問題所在, 滲水先係問題喎。。。
如果唔滲嘅話用咩方法試都唔會滲架啦係嘛

思念

咩方法試唔係問題所在, 滲水先係問題喎。。。
如果唔滲嘅話用咩方法試都唔會滲架啦係嘛
豬女 發表於 2020-11-30 00:11:56 原文

但我既想法係，我沖涼既時候只會用花灑，唔會用高水壓既水喉。所以諗緊係唔係唔應該用高水壓既方式去試水

SAMTANG321

有水出即係已有隙縫, 用不用高壓迫水出來只係快與慢的問題而已, 就算日後每日只渗一點兒在你肉眼不察覺的程度始终也對你的裝修不好, 趁現在有得免費可處理会當然去處理吧.