裝修第三者保險

manhoro

裝修第三者保險

大家有無買，幾錢左右？

kamanwo

我只買銀行家居保，有包埋第三者責任賠償的。
詳情去銀行問吧。

wrikie

我都是買了家居保
我記得銀行職員講過, 我份保險包裝修時被人偷咗屋內物品, 有收據可以clam。
不過, 其他就要再問清楚。

ray12381222

裝修一定要買，否則有什麼事就要負全責

duduki

有買
大约$1200

我都唔知

呢種保險叫咩保？家居保？裝修保？喺銀行買？

Kendyyeung

裝修公司會包啊

nak

點解個單位有乜意外，裝修公司負責人乜野責任都無既。
比如火警、係乜野事火警先？係裝修佬臨收工食煙、無好好處理煙頭、
又或者電線短路係電燈佬技術上錯誤、再唔係裝修佬用鎚仔做野跌左落街、
唔通又係業主上晒身。
當然保險一定要買、就算買左保險公司都唔係即pay、左來右查。
個人認為搵裝修公司、都要搵間除左報價單、仲要睇埋份保險、合約等等。
尢其間屋打算全爆、幾個月工程、份合約一定清清楚、責任比返裝修公司、佢做就做唔做把就、最好去律師樓搞仲好。
咁樣仲好過買甚麼保險。旅行社都有呢D條款拉、何況幾十萬工程、真係整多幾頁紙都唔得、水就識抽、有事就搵業主、咁我都唔怕開裝修公司。

derekhim

有D 家居保唔保裝修, 最好問清楚保險公司, 我係中銀買, 佢講到明唔保裝修.

B04SL

就裝修工程購買「第三者意外責任保險」與「家居保險」的保障範圍和內容是不同的，例：進行裝修工程而購買的「第三者責任保險」是保障投保人指定的單位在裝修工程期間，因人為或疏忽引起的意外，導致第三者向投保人索償，可根據保單合約條文和規定，向保險公司申報，由保險公司審核作出賠償（一般情況下投保人須支付墊底費）；「家居保險」主要保障家居財物，也會包括裝修工程，但賠償性質有異（室內裝修／翻新工程期間引致居所的意外損毀，但有關工程期不可超過兩個月「撮錄自某銀行附屬保險公司的家居保條文」），條文清楚說明賠償因工程引致居所損毀的家居財物，而不是因工程疏忽或意外引致的第三者受損而提出的索償。
再者「火險」與「家居保」保障的範圍也是不同的，「火險」是保障火警而損壤的樓宇結構，「家居保」是保障火警損毀的家居財物。管理公司已為所有單位購買「火險」，費用在管理費中支付。
業主裝修單位，應該就裝修工程購買「第三者責任保險」，保費按照裝修工程金額、裝修期、投保額（一般投保額為500萬元或1000萬元）計算，以50-60萬元的裝修工程，保額500萬元或1000萬元，一般保費約$1,500-$1,800（注意大多保單條文均列明投保人須支付若干百分比的墊底費），以免因小失大！
當然業主可以要求裝修公司負責「第三者意外保險」的費用，但羊毛出在羊身上，裝修公司自會在工程項目或其他地方收回成本。如果在律師樓處理「裝修合約」及「第三者摃任保險」，成本應該更高，也是落在業主身上。