|
心情動態：
來自裕泰苑 |
裕泰苑 - 收樓靚相+留意事項
終於收樓，「裕泰苑」單位整體質素，包括防水都比預期好好多。暫時並無之前「雍明苑」果種試水之後，D水由廁所滲出大廳嘅情況。
各位街坊收樓果陣，可以留意下： 1) 如果想辦「管理費」自動轉帳，記得係簽約果間房，叫佢地俾張「自動轉帳 Autopay」Form 俾你，填完可以自己交去銀行 或者 交番俾 房署 / 管理公司 (慢好多)。所以，自己交去銀行，會快同穩陣好多，因為有機會有野要修改。 2) 樓下有「煤氣公司」臨時櫃位，建議收樓果日申請埋煤氣，甚至可以揀埋煤氣煮食爐。同埋可以問佢地攞個聯絡電話：約「煤氣公司」提早係裝修前拆個「煤氣熱水爐」落嚟，方便拆瓦仔。一拆($3xx) ＋ 一裝 ($4xx) = 大約 $7xx 左右 3) 初步大約度過，因為包左木板，大廈升降機，?門口「大約」：高 2040mm x 闊 850mm 4) 每層嘅垃圾房未正式開放，建議各位街坊帶定垃圾袋，拜完四角後，將垃圾包好，拎去 B 座後面嘅垃圾房。 5) 走廊好乾淨，每層都有俾「輪椅♿️人士」嘅走火警庇護位。 6) 遊樂場好靚仔，食完飯可以去玩下。 7) 大廈大堂超乎想像咁大，甚至可以擺張乒乓波枱打波。 祝各位街坊，收樓順利！ 
|
||
|
|
|||
