因之前我朋友裝修(實用380尺左右), 基本全屋翻新已要用21萬, 仲未計未它的電器,沙發等. 咁我地因撞正新年, 工作期短, 我又想省D, 所以能用的尽量用.
實用381平方尺(實際311平方尺)
第一步:油油, 我地用小王子, 阿叔帶住我地油,油左2個工作天, 滿意. (材料$1200)
第二步: 舖地板. ($15000), 地台夠平,我不用再盪地台,舖複合地板, 半天已完工.
(如果真係要趕住搬,其實做左這,已可以簡單入住)
(會有少少地方不平,但不太影響,大約2mm左右. 但剛好給床和柜遮住, 所以完全冇影响)
我做完地板, 已將好多東西搬到新屋, 放在沙發位置,不影響之後的做柜.
第三步:全屋做傢俬,用柜間房,做地台床,衣柜,電視柜,C形柜,廚房,浴室柜,櫥房門口柜,床頭柜等等($95000左右暫時)
這間公司好在收費透明,不會有暗黑收費,一開始已有計算錢的公式, 所以真係做多少收多少, 我三間格價, 有一間不給尺寸我,
只是給大約價錢我, 我都唔知佢點計的, 佢話要交左度尺費6800,先有尺寸, 到時我咪任佢收=.=.
現在因新年期,部份師傳仍未開工, 估計3月頭可以開始生產, 約4月頭或中可以安裝. 大約安裝2天而已 (可能頭尾要3個月左右)
第四步: 等做柜過程中, 已約好安裝2部窗口冷氣機 + 1 部抽氣扇 ($7050) (半天)
第五步: 已選好TGC的爐具和抽油煙機,等做好柜就可以安裝,已約煤氣公司師傳睇位,是免費的,大家可以去約. (9200左右) (半天)
第六步: 已選好洗衣機, 等做好柜 就可以安裝. (半天)($3400左右)
第七步: 做鐵門, 我唔太知, 可能現在要去訂了, 因為要做,要運, 今個星期可以去格價. (半天OK) (估計大約$6500)
第八步: 我朋友有電牌,做三行, 佢可以幫拉少少明電線+接回水喉, 省回一筆. (2個工作天左右) (利是$2000)
第九步: 做回厠所和廚房假天花. (應該半天功夫) (我估計$4000)
那些沙發,椅子, 床褥, (飯枱已有)等等 可以現在了解, 做完柜即買.真係又省又快. (雜費最少$30000)
大約全部要$175,000
