家有長者揀樓, 業主婚姻有變, 長者有影響嗎？

nak

家有長者揀樓, 業主婚姻有變, 長者有影響嗎？

朋友一家四口住公屋、今個月居屋揀樓、仔同老豆聯名、收樓後假如新抱同仔離婚。
個孫又俾新抱攞到撫養權。咁間新居屋會唔會有影響。
因為仔同老豆按房署要求用長聯權擁有做業主。
新抱分到丈夫部份財產包括新居屋，老父有機會俾佢搞埋。
如果新抱向法庭申請係要居屋套現，咁都幾麻煩。
反而公屋長者係戶主，新抱就算同仔離婚、長者都唔會無屋住，最多搬細單位。
但係買左新居屋，長命契係有一個業主唔掂，另外一個業主唔知會唔會上身。
朋友就係擔心臨老有呢一日過唔到世，但係得一個仔又抽到居屋，又想防下個新抱。

yukilau9472

我就系8掛想知是否全數買？

Ho1

抽居屋唔聯名,買樓後再立平安紙唔知可唔可行...  
(忘記留意已經用聯名申請...  )

kamanwo

又驚又咁多算計

不心擔心下長者揾到第二春。掃把你朋友一家重好啦。

ChingChing19

呢個就係好多公屋戶換居屋所煩惱的業權問題，一家人一齊供？邊個供，邊個供多啲？將來有人過身業權問題

所以好多人唔會想公屋換居屋

ChingChing19

樓主呢個情況，新抱有冇小朋友，有冇爭取到撫養權都好，一離婚就有機會分阿仔的一半身家。好多呢啲案例，所以你會見坊間有啲物業，屋契業權唔齊。

nak

回應 #4 kamanwo

長命契既好處就係保障兩位業主既利益，我朋友過左身，佢第二春老婆都無業權，就算寫平安紙同遺囑比第二春老婆都無用。
我朋友住緊公屋、佢而家攞老本仲有間公屋，為左個仔未來住屋環境好D，考慮第日退休無份供樓、日日起屋企對住新袍。
萬一同新袍有磨擦、自己又返唔到轉頭住公屋，咁點呀。
人既野信得過親生仔，都未必信得過新袍。信得過親身女、女婿都唔係老奉要睇你。你未行到呢一部，當然唔會明。
個個上市公司主席娶新袍，都寫定婚前協議書，如果唔係外家米隨時可以上去開股東大會？

nak

回應 #5 ChingChing19

師兄你有見地 ，我朋友仲有野做未退休，暫時都會幫手供樓、就係考慮用家有長者優先揀樓。
房署係強制性一定要長者同申請人用長命契做聯名業主、佢就係擔心交左間公屋，第時退休無錢貢獻家庭。
日日會對住新抱有磨擦，而家新抱係家庭主婦，打理家頭細務、接送小朋友返學。料。
因為我朋友明白一家永遠一主，如果佢退休無能力做家務接送小朋友返學，日日起屋企食同訓。
新抱一定有怨言，如果新袍出去返埋工，放工仲要留返家務比佢做，肯定黎料。
真係爆煲既一日，仔企老豆個邊新袍要離婚、呢D情況法官判細路撫養權俾新抱係好大。就算無做份供樓、佢對家庭貢獻都有付出，所以丈夫既財產係分到。
就係想請教一下過來人既意見。

nak

回應 #3 Ho1

家有長者優先揀樓，房署一定要長者做聯名業主，仲要用長命契{聯權共有}。唔可以做分權共有
長命契缺點：財困二人一同承受
如聯名人遇有財務問題，被債主入稟追討，例如被銀行收樓，或被財仔入紙申請破產，在分權共有的情況下，照理來說，應只得該位聯名人的業權會受到影響。如果該聯名人擁有 30% 業權，應只得該部分業權會因財困而出現問題，遭財務公司拍賣業權份額。這類承接部分業權的買賣，市場稱之為「半契樓」或「碎契樓」。
相反，在長命契的情況下，因為聯名人被視為擁有整項物業，其中一名共有人財困，有機會所有業權都被拖累，所有聯名人都要共同承受惡果。
即係話新袍攞到細路撫養權，就可以去法庭申請追討丈夫既財產包括新居屋。

kamanwo

回應  kamanwo

長命契既好處就係保障兩位業主既利益，我朋友過左身，佢第二春老婆都無業權，就算寫平安紙...
nak 發表於 31/05/2021 20:15:55 原文

咁你同"你朋友"都有晒答案啦
你戥人擔心咁多嘅