戶主過身, 要搞遺產先抑或繼承公屋先？

SSII

戶主過身, 要搞遺產先抑或繼承公屋先？

爸媽哥妹5人都有戶籍父母先前＋最近走左
三兄妹收入＋各人資產＋已知爸媽資產係唔過限額

但聽街坊講生前爸媽提過話有炒股票
數目都唔細（唔知爸媽係吹水定係真係收埋左,我都想父母留大把錢比我，唔洗住公屋）

不過搵曬全屋只搵到爸媽既銀行戶口
錢都唔係噤多

知道戶主過身後，係要搞繼承問題
但應該要邊個方法先岩？

方法一：
現在向房處申報三兄妹資產＋已知爸媽資產(未轉名）,繼承公屋

方法二：
先搞清楚資產，轉埋名去子女度，再向房處申報，如合資格先繼承

方法一的話，日後搵到父母真係留左落好多錢，超曬資產限額，三兄妹走去搞遺產到手後，會唔會比房產話你隱瞞，收樓之餘仲告你，係既話好似好無辜。

方法二的話，查父母資產先，但搞資產唔係一時三刻既時，聽朋友講有d搞大半年，成年時間，如果噤耐都唔申報話戶主已過身，會唔會話你拖延時間，霸住間屋？
（因為父母無立任何遺祝，也沒透露比子女聽自己有幾多身家。如果最終查完過額可以繼承就無乜野，但萬一真係過額，會唔會話你地有心拖延賴死唔走住，霸住間屋？）

同埋房處會主動知道有戶主過身，定係要到你申報先會知？

many thanks

opclk

轉戶主需再申報資產,
你唔搞清楚資產点申報?
唔通老作?
你不主動通知房處有戶主過身,
其實正常房處好快都會知。
在下費事詳述原因。
你依家應同在"生"之人有共識,
打電話去遺產承辦處約期會面交文件。
申請授予書,
有授予書後去銀行等處理先人戶口,
再向房處申報資產轉戶主。

opclk

爸媽哥妹5人都有戶籍父母先前＋最近走左
三兄妹收入＋各人資產＋已知爸媽資產係唔過限額
但聽街坊講生前爸...
SSII 發表於 2021-06-07 02:15:49 原文

用方法一而日後瀨野的話, 因邏輯同法理上你絕對不是無辜,
上法庭你係衰梗,後果自負。

你依家應雙軌一齊行,
同時申報戶住過身及去遺產承辦處約期,
遺產承辦處文件約需一個月(見面交足文件後),
亦向房署交代遺產承辦中,
到時才申實際資產。

ilpong99

房署會知道公屋合約內的戶主或住戶過身,會主動寄信比你叫你去辦除名手續

Annieon1990

吾好意思 吾系好明
想知而家樓主 系三兄妹共3人？ 定 三兄妹+一個媽媽共4人？

Ladycrab

爸媽哥妹5人都有戶籍父母先前＋最近走左
三兄妹收入＋各人資產＋已知爸媽資產係唔過限額
但聽街坊講生前爸...
SSII 發表於 2021-06-07 02:15:49 原文

首先唔好諗住房署好先進，香港創新科技局咁既樣，主動申報啦
最好係3兄妹先4466傾好邊個繼承先，因為兄弟姊妹只可以係所有人未婚既情況下一齊住
google你住個棟樓既屋邨辦事處電話，約左先，帶死亡證同座主任申報
座主任會話你聽點處理，按道理一定要你地做遺產承辦，計好哂你地既資產再睇住唔住得返

我舊同事就試過搞左幾個月，獨生子女，但佢係死者過身後係未正式繼承遺產既情況下動過銀行既錢做法事，搞到好麻煩

（利申：純粹按邏輯推斷，並非官方答案）

Ho1

轉名要交戶主死亡證資料,所以唔會拖到好耐,可以同主任商量處理方法,正常只需要報過去一年嘅收入及資產,之後就要到房署定期的資產審查再申報.