大家唔好咁快拒絕..唔好上當

Peter1603

大家唔好咁快拒絕..唔好上當

大家能不能拖住，唔好咁快拒絕？ 因為有現金津貼，而家房署係咁派，我哋係咁拒絕，骨頭無限輪迴，幫政府慳唔少，對大家有害無利，近期拒絕快都冇用，無新樓落成，愈派愈骨，大家認為呢？

Hokhimleung

jasonkkw

師兄其實政府比既錢，都係嚟自市民既，大家排公屋都係為左減輕負擔，師兄你講完呢段野好似唔係咁好，其實後面既人都等緊，大家都等左咁耐，只係想盡快上樓，當然無要大家覺得唔好都要硬食，而係考慮清楚自己既需要，未必係一味去追求新樓，其實舊樓都未必係骨既，有部分交通同配套都幾方便，只係樓齡相對比較高，如果係呢個情況下，其實都可以去視察左先，睇下是否合適自己，如果其他都可以，只係樓齡高，自己都可以思考下係咪接受到，唔得咪博下派，但其實大部分既新樓交通都唔係咁便利，配套未有咁齊全。雖然大家都有個心態係要新樓，放多啲錢落去裝修，住成世回本，但去翻最原本既，大家都係有需要，唔想捱貴租，先希望盡快上樓，但師兄好似相反，慢慢嚟唔急咁，仲呼籲大家拖慢咁，唔係咁好。以上只係個人見解，如果有得罪或理解錯師兄既意思既話，敬請見諒和指正。謝謝

KaiHei01

你嘅見解都理解，但10個有5個拖住唔拒絕，相信房署都有第11個第12個骨盤派……佢係要派嘅始終會派，甚至愈派愈骨拎埋特快嘅單位尼派都吹佢唔脹，又或者咁講，房署有特快單位，即係有所謂嘅骨可以派……
佢唔派嘅有啲真係靜左大半個月都無派過。

Bobopong1234

無得拖，要係限期前回覆?

yingying5152013

你拖都無用，房署手上的貨始終都係骨多過肉，又無一條定律係前面的人拖住，後面就唔會首派嘅，提前拒絕和拖到睇樓日拒絕又差得幾多時間吖？

永遠的等待

回應 #1 Peter1603

既然已經S4 你想多了  

jeffch6511

回應 #3 jasonkkw

睇見白田果D舊樓換新樓，我地連個窩都無，日日被劏房業主蝦，電費貴水費貴，育下又加租，你都識得話係市民咖錢，噤點解人地享受噤耐舊樓又住新樓，我地想要間新D咖樓都係大要求？揾間舊樓，裝修完了話要拆，咖陣裝修平啊？聽講好多住公屋豪裝，呢D又有無人理。居屋又係一搶社會錢的政策，幾多人無屋住，好吾容易起棟又話做居屋打5折，簡接補助假貧者去炒樓省錢買樓，香港真正需要的是公屋與與公平！

jasonkkw

回應  jasonkkw

睇見白田果D舊樓換新樓，我地連個窩都無，日日被劏房業主蝦，電費貴水費貴，育下又加租，...
jeffch6511 發表於 2021-08-11 03:37:48 原文

師兄你講得好有道理，我純粹就翻你講既野，表達翻自己見解啦，人哋係拆遷搬走，咁政府優先處理都係正常，另外你話佢哋舊屋搬新屋就得，咁你哋揀新樓就係大要求，我由頭到尾都只係講話叫大家諗清楚先好拒絕，而唔係叫你哋硬食舊樓，師兄你都話比人加租迫遷咁，你等多一年，條數都差唔多翻嚟，排公屋唔係都係想盡快上樓咩？除左真係三順二興，仲有小部分比較偏僻既，其他相對比較舊既樓真係唔可以接受，當然每個人都有佢自己既見解，所以我頭先最後都有表達翻係我自己既見解，可以參考，唔一定要跟，我話拖住唔係咁好，你哋覺得唔係既，唔通我可以迫到你哋改變咩。另外點解上面我無提到我，而係你哋呢，因為我自己覺得舊邨幾好，係交通配套都唔錯既情況下，我會寧願揀舊邨，例如係坪石，彩虹，和樂，沙角等等呢啲邨，另外重建呢樣野，首先我10年前已經聽到彩虹邨話重建，重到而家都未搞，其實無嚴重既結構問題，房屋署一般都唔會咁輕易話重建，邊有咁多地方安置，彩虹邨而家都50尾啦，香港都係得幾條邨係老過佢，所以師兄你話住一排就搬走既問題，基本上唔會發生，當然呢個我都係推斷而已。另外就係裝修既費用，如果真係劏房生活咁艱苦，又要行唔知幾多層樓梯先到，又有機會成日比人加租，在於我自己會寧願係上左樓先，前提係所派既單位既交通配套接受到，哪怕舊樓都無所謂，如果怕佢拆既，咪簡單裝修，10萬左右既，住翻個5-6年都唔係好蝕啫，咁如果係要堅持大裝既，咁咪等新樓，只不過係要承受加租迫遷既問題咁。
至於豪裝無人理，咁人哋拎成副身家出嚟裝修，有何問題？啲錢係佢自己既，點用都唔到其他人理，至於居屋，我唔係專業評論員，加上無錢買，所以無留意，就回應唔到師兄你了，另外係一個機制下，每個人都想自己得到公平既對待，假設有人派鑽石山新樓，我就派彩虹，可能我都覺得唔公平，但我都會要，因為我係真係急住上樓，可能我同其他人比已經好好呢，起碼上左樓，排到公屋，大把人仲住緊劏房咁。
所以我只係想講選擇係自己揀既，公屋只係一個提供比有需要人士既一個福利，隨機分派，如果因為等新樓捱貴租，自己都ok既，咁其實在於我既角度就唔應該埋怨話好慘咁，除非派既單位又偏僻又舊，唔係既話，其實可能等新樓既人一早上左樓，而唔洗再面對貴租問題，更唔係一味不斷話自己派骨，何謂骨？舊便是骨？

rayhwm